Ortuzar: 'EAJk ez du hirugarren munduko Euskadi bat nahi'
Andoni Ortuzar EAJ alderdiko presidenteak adierazi du bere alderdiak ez duela Euskadiren etorkizunerako "Espainia atzerakoia" nahi, ezta "hirugarren munduko Euskadi" ere. Sabino Arana hil zela 110. urteurrena ospatzeko egin duten ekitaldian izan da Ortuzar, Sukarrietan. Bere alderdiak Euskadirentzat estatus juridiko-politiko berri bat adosteko duen konpromisoa berretsi du jeltzaleak, eta 2015ean "gizartearen borondatearen proba" egin nahi dutela adierazi du, "azken proba" izango dena.
Ortuzarren hitzetan, EAJk Euskadi "Europako nazioa" izatea nahi du, "Euskadi belarritakoekin ikusten dutenek" nahi dutenaren aurrean, EH Bilduri erreferentzia eginez. Alderdi horri herrialde eredu "itxia, SESBn duela 35 urte bizi zutena edo Ipar Korean gaur egun bizi dutena bezalakoa" bultzatzea leporatu dio.
Iñigo Urkullu lehendakariarekin eta Joseba Egibar eta Itxaso Atutxa alderdikideekin batera izan da Ortuzar, eta Euskadiren "abertzale sentimendu orokortuari ateak jarri nahi dizkiotenen itxikeria" salatu du. Haren aburuz, portaera horrekin, "Estatu zaharkitu honetan hesitzeko eraiki dizkiguten hormak saltatzeko desioa" areagotzen dute alderdi ez nazionalistek.
EBBko presidenteak azpimarratu du "erabaki fidagarria" dela Euskadi "Europako nazioa" izateko aukera, "ahots propioarekin eta izaera desberdin, zorrotz eta konprometituarekin", eta ez dela "abentura" bat. Datozen asteetan EAJk gainontzeko alderdiekin bilerak egingo dituela gaineratu du Ortuzarrek, autogobernuaren garapenaren inguruko batzorde txostengilea sortzeari buruz. Bilera horietan, EAJk aurrera egiteko behar dituen "gestio erremintak" zehazteko "abiapuntu zabal bat" aurkitu nahi duela esan du jeltzaleak.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.