ETAko presoei egindako harrerak ez dira delitu, De Herediaren ustez
Estefania Beltran de Heredia Eusko Jaurlaritzako Segurtasun sailburuaren ustez, ETAko preso ohiei egindako harrerek "ez dute delitu zantzurik".
Orain arte, sei harrera Auzitegi Nazionalean salatu dituzte, eta, horren ildotik, "harrera bat eta omenaldi bat edo terrorismoa goratzeko ekitaldi bat" ez direla "nahasi" behar esan du Beltran de Herediak. "Hiru kontzeptuak nahasten dituztenek nahasmena sortu nahi dute", deitoratu du.
Sailburuak "Boulevard" Radio Euskadiko saioan egindako elkarrizketa batean adierazi duenez, hainbat preso aske geratu eta gero "ekitaldi ez zilegiren bat" jazo denean, Ertzaintzak esku hartu egin du, "batzuek kontrakoa esaten jarraitzen badute ere".
Horren haritik, Jorge Fernandez Diaz Espainiako Gobernuko Barne ministroak "barkamena" eskatu behar izan dio Jaurlaritzari, Espainiako Polizia eta Guardia Zibila harreretan egon izan balira, galarazi egingo zituzketela esan baitzuen, hau da, Ertzaintzak harreren aurka ez duela nahikoa egiten iradoki zuen.
"Gure erantzukizuna bizikidetza baketsuaren alde lan egitea bada, ezin ditugu polemikak piztu. Estatuko Gobernua ezin da polemikak sortzen egon", kritikatu du.
Aldekoaren izendapen polemikoa
Jorge Aldekoaren izendapen polemikoari dagokionez, ertzainburua ez dutela 'Cabacas auzian' deklaratzera deitu gogorarazi du sailburuak: "Ez epaileak, ez Fiskaltzak, ez akusazio partikularrak".
Beltran de Herediak babesa agertu dio Aldekoari, eta Ertzaintzan "ibilbide profesional luzea" egin duela eta "eskarmentu handikoa" dela nabarmendu du.
Halaber, "epaiketa paraleloak" egin nahi izatea eta Ertzaintzaren aurka egitea egotzi dio EH Bilduri.
'Kale borroka' erasoak
Azkenik, sailburuak azken astean jazotako 'kale borroka' ekintzak "gainditzeko" eta "denon artean bizikidetzaren alde lan egiteko" deia egin du.
"Egoera hauek ez dira bat ere lagungarriak. Aro berri honetan, indarkeria egoera hauek ahaztu eta gainditu egin behar ditugu", esan du.
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.