Operazioa 'jazarpen ideologiko eta politikoa' dela salatu du Goioagak
Iragan asteazkenean Guardia Zibilak EPPKren bitartekarien kontra egindako polizia-operazioa "jazarpen politikoa eta ideologikoa" izan dela salatu du gaur Iñaki Goioaga EH Bilduko senatariak eta abokatuak.
Goioaga "haserre eta kezkatuta" azaldu da, operazioarekin "estatu demokratikoa urratu eta hautsi dutelako". Bestalde, atzo aurkitzeko moduan egon ez zenik gezurtatu du senatariak. "Egun normala egin eta nire etxean lo egin nuen. Une oro aurkitzeko moduan egon naiz", adierazi du. "Senatari eta abokatu gisa sekula ez diet nire erantzukizunei uko egin", erantsi du.
Bestalde, polizia-operazioa oztopatu duenik ukatu du abokatuak. "Nik nire eskubidea erabili dut, ez dut operaziorik oztopatu", azaldu du. "Miaketa legez kanpokoa zen eta ez dut baimendu, besterik ez, eta ez nuke sekula baimenduko legez kanpokoa zelako", gaineratu du. "Barne ministroaren lardaskeria izugarria estaltzeko ni erabiltzea ez dut onartuko", kritikatu du.
"Nik ez dut miaketa baimenduko, daukadan eskubide bat delako", errepikatu du. "Genovako abokatuen bulegoak miatu ditzatela Barcenasen paperak aurkitzeko", esan du.
"Estatu demokratikoaren lerro gorriak zeharkatu dituzte", errepikatu du. "Presoen abokatuen erruduntasun presuntzioa zabaltzen" ari dela ohartarazi du Goioagak.
Miaketa eta atxiloketa gehiago egin nahi zituzten
Alfonso Zenon abokatuak Goioagak baino lehen hartu du hitza prentsaurrekoan. Guardia Zibilak operazioan pertsona gehiago atxilotu nahi zituela salatu du Zenonek, besteak beste, Fernando Arburua (presoen medikua) eta Nagore Lopez de Luzuriaga (Etxerat).
Gainera, besteak beste, Jon Olarra, Ainoa Mugica eta Josetxo Arizkurenen ziegak miatu nahi zituztela esan du Zenonek.
"EPPkren bitartekarien, presoen kolektiboaren eta abokatuen aurkako operazioa izan da", azaldu du abokatuak, "nahiz eta horien ekintza erabat publikoa eta bistakoa izan".
"Espainiako Gobernua jokoz kanpo dago eta azken egunetan emandako pausoa oso garrantzitsua dela ez du onartu nahi. Ez dute onartzen, eta iraganeko agertokietara itzuli nahi dute", esan du Zenonek.
Operazioak "irregulartasun eta astakeria juridiko ugari" dituela azpimarratu du abokatuak. "Senatari baten bulegoa miatu dute, izugarria da; abokatuen bulego asko miatu dituzte, ez bakarrik atxilotuenak", nabarmen du.
Horrela, presoen kolektiboko bitartekarien abokatuek atxilotuak "berehala aske" uztea eskatu dute, "ETArekin zerikusirik" ez dutelako eta horren akusaziorik jaso ez dutelako, presoen aldeko lan "publikoagatik" baizik.
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.