Quiroga: 'PPren betebeharra eboluzionatzea da'
Arantza Quiroga Euskadiko PPko buruaren ustez, Rajoyk ETAren kontra izandako ausardia barregarri ustezko kanpaina dago, ''interesek'' bultzatuta, duela urte batzuetatik hona. Hala ere, aitortu du egon badaudela eboluzionatu nahi ez duten pertsonak, ''baina gure betebeharra eboluzionatzea da'', gaineratu du.
'Los Desayunos de TVE' saioan eskaini duen elkarrizketan, Quirogak esan du Rajoy eta Urkullu lehenbailehen biltzea espero duela, ETAren amaieraren buru izango den "operazioa martxan jartzeko". Bertan Alderdi Sozialista ere egon behar dela uste du Euskadiko PPren buruak.
Ildo horretan, EAEko PPko presidenteak uste du lehendakaria aldaroka dabilela, eta "etekin politikoa" ateratzeko asmorik baldin badu oker dagoela ohartarazi dio Urkulluri.
Hala, ETA garaitua izan dela ''aldarrikatzeko'' batasuna eskatu du, Quirogaren hitzetan, "defendatu" ezin dena zera baita: ''une honetara iritzita, ETAk irabazi duela esatea, erakundeetara iritsi delako''.
Euskadiko PPko buruaren aburuz, une honetan lidergo politikoa beharrezkoa da. "Bukaera honen azken onuradunak euskal gizartea eta espainiar gizartea izan behar direla jakitea beharrezkoa da", esan du.
Biktimen samina ulertzen duela azpimarratu du Quirogak, eta gai horren inguruan egiten ari diren erabilpen politikoa salatu du. "Biktima horien inguruan interes politikoak daudenean dago arazoa", gaineratu du.
Madrilen Euskadiko egunerokotasunaren errealitatea ulertzen ote duten galdetuta, Euskadiko PPko buruak ezetz esan du, entzun dituen "gauza asko" oinarri hartuta. "Ez da ulertzen eta, batzuetan, ez dago ulertzeko interes handirik. Beharbada erosoagoa delako 'honek berdin jarraitzen du' ideia horri eustea; baina hori ez da egia, denak ez du berdin jarraitzen", Quirogaren iritzian.
Aznar eta Oreja ez dira Batzar Nazionalean egongo
EAEko PPko presidentearen ustez, uko horiek "bitxikeriak" baino ez dira, eta ez liokete "kalterik" egin beharko alderdiaren irudiari, PP "beti egon den lekuan baitago".
Semper, San Gilen adierazpenen inguruan
Bestalde, Borja Semper EAEko PPko bozeramaileak Maria San Gilen kritikak "oso bidegabeak" direla adierazi du. "Baliteke bihar bertan PP ETAren lagun dela eta guk egiten dugula tiro esatea San Gilek", deitoratu du. Halaber, Mayor Orejaren eta San Gilen jarrerak ez direla "berriak" gaineratu du.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.