Alderdiaren batasuna aldarrikatu du PPk batzar nazionalaren irekieran
Maria Dolores de Cospedalek, PPren idazkari nagusiak, alderdia Valladoliden egiten ari den batzar nazionalean egin duen hitzaldia ondorengoa esaldiarekin hasi du: “Denok gara Alderdi Popularra”. Gaineratu du, popularrak “ezberdin” egiten dituena “herrialdea maitatzea” dela.
PPren idazkari nagusiak Mariano Rajoy Espainiako presidentearen aurrean egin ditu hitz horiek. Batzar Nazionala gaur hasi da, Javier Leon de la Riva Valladolideko alkatearen eta Juan Vicente Herrera Gaztela eta Leongo presidentearen hitzekin.
PPren bigarrenak eskerrak eman dizkie Miguel Delibes auditoriumean bildu diren pertsona “langile, on eta zintzoei”. Batzar nazionalak Alderdi Popularrak Espainia osoko herritarrekin duen konpromisoa berritzeko balio behar duela ere esan du.
Babes esanguratsua
Batzar nazionalaren lehen egunak utzi duen irudi esanguratsuenetako bat Mariano Rajoy Espainiako Gobernuko presidenteak eskaini du. Rajoyk zuzenean eta pertsonalki agurtu nahi izan ditu Euskadiko popularrak.
Arantza Quirogak, PPren Euskadiko presidenteak, Valladoliden ikusi diren keinuak eskertu ditu eta "babes esanguratsua" direla adierazi du. "Esanguratsua da, euskal errealitatea ondoen ezagutzen dugunak gu garela ulertu, errespetatu eta onartzen baitute. Oso garrantzitsua da hori", zehaztu du.
Euskadiko PPri eta biktimei omenaldia
Hasieran, Zoe Nubla PPren Barakaldoko zinegotziak omenaldia egin die Euskadiko PPri eta terrorismoaren biktimei, Gregorio Ordoñez edo Miguel Angel Blancori, besteak beste. “Jarraitu beharreko adibide zintzoa erakusten dute”, esan du.
Zinegotziaren agerraldia ez zegoen egitarauan aurreikusia eta PPren parte hartzaile guztiei eskerrak eman dizkie. “Beraiei esker jasan izan dut beldurra Euskadin”, adierazi du.
Valladoliden bildu diren jarraitzaile popularrei Arantza Quirogaz eta Euskadiko PP osatzen duten gainerako kideez harro egoteko arrazoiak dituztela esan die.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.