PSNk zentsura-mozioarekin 'konpromiso argia' duela uste du Geroa Baik
PSNko zuzendaritzak Yolanda Barcina Nafarroako Gobernuko presidentearen aurkako zentsura-mozioa bultzatzeko "konpromiso argia" duela esan du Manu Aierdi Geroa Baiko bozeramaileak.
PSNko ordezkaritza Geroa Bairekin bildu da. Sozialistek bilera-sorta deitu dute Yolanda Barcina presidentea kargutik kendu eta hauteskundeak deitzera behartzeko, baina ez dute Bildurekin bilerarik egingo. Aierdiren esanetan, sozialisten zuzendaritza batzordeak ere uste du "egoera ezin daitekeela luzatu".
Roberto Jimenez PSNko idazkari nagusiak, Samuel Carok eta Pedro Rasconek ordezkaritza sozialista osatu dute bileran. Manu Aierdi eta Patxi Leuza Geroa Baiko parlamentariak izan dituzte mahaiaren beste aldean. Bilerak 45 minutuko iraupena izan du, eta Nafarroako Parlamentuan egin dute. PSN Ezkerrarekin ere bildu da.
"Arratsaldeko bileretan, Europako hauteskundeekin batera, maiatzaren 25ean, Nafarroako hauteskundeak egiteko mekanismo politikoa bilatzeko PSNren konpromiso irmoa azaldu die ordezkaritza sozialistak Geroa Bairi eta Ezkerrari", azaldu dute sozialistek agiri batean.
"Konpromiso argia"
"Zentsura-mozioarekin aurrera egiteko" PSNko zuzendaritzaren "konpromisoa argia" dela ziurtatu du Aierdik. "Sozialistak lanean gogor" ari direla adierazi du Geroa Baiko ordezkariak.
Roberto Jimenez, Samuel Caro eta Pedro Rascon ordezkari sozialistak. Argazkia: EFE
"Guk gure konpromisoa helarazi diegu, ezegonkortasun egoera hau 15 hilabete ezin daitekeelako luzatu, eta lanean jarraituko dugu", azaldu du Aierdik. Datozen egunak zentsura-mozioa aurkezteko "emankorrak" izatea espero du Geroa Baik.
Nafarroako Gobernua alda dezakeen testuinguruaren aurrean "baikor eta zuhur" agertu da Aierdi. "Egoera larria da eta maiatzaren 25ean hauteskundeak deitu behar dituzte, egoera 15 hilabete ezin daitekeelako luzatu. Hori beste guztiaren gainetik jarri behar da", erantsi du.
Ezkerraren hitzetan, maiatzaren 25ean, Nafarroan, hauteskundeak izateko borondate "irmo eta nabaria" agertu du PSNk, baina zentsura-mozioa aurkezteko zuzendaritza federalaren bermea beharko dutela erantsi dute sozialistek.
PSOE
Bestalde, Oscar Lopez PSOEko Antolakuntza idazkariak adierazi duenez, Barcinarekin ez da "ez orain ez inoiz" bilduko. "Berarentzako urtebeteko luzapena irabaztearen truke" Nafarroa "luzaroan aulkira ez zigortzeko" eskatu dio Lopezek Barcinari.
Barcinaren jarrera kritikatu du Lopezek agiri batean. "Erantzukizun eza" egotzi dio sozialistak. Barcina Nafarroako krisi instituzionalaren "arduradun bakarra" dela nabarmendu du PSOEko ordezkariak.
Zure interesekoa izan daiteke
Venezuelaren aldeko elkarretaratzeak deitu dituzte Hego Euskal Herrian
Deialdia sare sozialen bidez zabaldu dute. Igande honetan egingo dituzte protestak, 12:30etik aurrera, Donostiako Boulevardean, Venezuelak Bilbon duen kontsulatuaren aurrean eta Iruñeko Udaletxe plazan. Ordu erdi geroago, Gasteizko Andre Maria Zuriaren plazan elkartuko dira.
Sarek datorren larunbatean Bilboko kaleak betetzeko deia egin du, salbuespenezko politiken amaiera eskatzeko
Datorren larunbatean, hilak 10, ETAko presoen "eskubideen urraketen amaiera eskatzeko" urtero egiten duen mobilizazioan parte hartzeko dei egin dio Sare herritar sareak euskal jendarteari. Manifestazioa "jai giroan" egingo dela eta Alde Zaharrean jarduerak izango direla iragarri dute. Hainbat pertsona ezagunek eramango dute pankarta, Francis Diez abeslaria izango da tartean, eta, besteak beste, Pantxoa eta Peio arituko dira amaierako ekitaldian.
Valentziako goialdeko depresioaren egunean Mazonekin izandako mezu guztiak epaileari bidali dizkio Feijook
Urriaren 29an Mazoni bidalitako "mezu guztiak" igorri dizkiola esan dio PPko buruak epaileari, argi utzita ez dutela "txat horretako mezurik ezabatu". Halaber, Generalitateko presidente ohiaren mezuak eta erantzunak irakur daitezke ere bai.
Urtarrilaren 10ean egingo du EH Bilduk Batzar Nagusia, "Elkarrizketa Nazionalaren" balantzea egiteko
Koalizioaren ustez, 2026 urtea euskal politikagintzan gakoa izango da, eta "lokatzetan dabiltzanen" aurrean egindako lan "konprometitu eta leiala" aldarrikatu du.
EAJ: oposizioa haserre dago herri akordio handietan sartzen ez delako
Joseba Diaz Antxustegi EAJren Legebiltzarreko bozeramaileak nabarmendu duenez, Euskadiko oposizioa "haserre dago herrialdeko akordio handietan sartzeko gai ez izateagatik", eta haserre horrek "Madrilgo giro politikoaren polarizazioa eta zarata Euskadira ekartzera eraman ditu".
Pradalesek "bere etxea zaindu eta gobernatu" nahi badu, "etxebizitzarako eskubidea bermatzetik" hasi behar duela adierazi du Podemosek
Richar Vaquero Podemos Euskadiko koordinatzaile nagusiak adierazi duenez, bere alderdiak espero du Euskadin "inor ez dela legez kanpokotzat joko", migratzaileei erreferentzia eginez, eta euskarak "batzeko" balio izatea.
Eneko Andueza: "Autogobernu, eskumen eta euskal gizartearen gaineko erantzunkizun gehiagorekin itxi dugu urtea"
Eneko Andueza euskal sozialisten idazkari nagusiak nabarmendu duenez, "PSE-EEk erakunde guztietan bultzatzen dituen politika aurrerakoiek ongizate eta justizia sozial handiagoa dakarte".
Voxek "errealitate oso ezberdina bizitzea" leporatu dio Pradales lehendakariari
Amaia Martinezek, Voxek Eusko Legebiltzarrean duen legebiltzarkide bakarrak, lehendakari "harroa, autokonplazientea eta autokritikarik egiten ez duena" ikusi du. "Euskaldunok arazo asko ditugu eta lehendakariak euskara gehiagorekin, Euskadiren presentzia munduan zehar handituz eta euskal pilotaren ofizialtasunarekin konpontzen ditu", gaineratu du Martinezek.
Lehendakariak migrazioaren, euskararen eta autogobernuaren aldeko konpromiso partekatua eskatu du urte amaierako mezuan
Lehendakariak itxaropenaren aldeko deia egin du egungo nazioarteko testuinguru politiko "kezkagarriaren" aurrean, eta ohartarazi du "pazientzia agortzen" ari dela autogobernuaren inguruko konpromisoak ez direlako betetzen ari.
Jon Hernandez, Sumar: "Lehendakariak Euskadiko arazoen erantzule egin gaitu"
Jon Hernandezek, Eusko Jaurlaritzako Sumar koalizioko diputatuak, adierazi du "eskandaluzko" urte amaierako hitzaldia egin duela Imanol Pradales lehendakariak. Diputatuaren arabera, Pradales "autokonplazientea" izan da, eta "eguneroko errealitatetik erabat urrun" dago.