PSNk dimititzeko eskatuko dio Barcinari, baina ez du mozioa aurkeztuko
PSNren batzorde exekutiboak Yolanda Barcinari dimititzea eskatzea onartu du, eta hala ez balitz, gainerako alderdiekin, Bildurekin izan ezik, bilera sorta bat abiatuko duela iragarri du, herritarrek iritzia ematea ahalbidetzeko.
Ohar baten bidez informatu dutenez, Nafarroako sozialisten Zuzendaritzak "bere egiten ditu Nafarroako Parlamentuko Ikerketa Batzordearen ondorioak, eta aholkuak", Barcinari "erantzukizunez jokatzeko" eskatu dio eta, horrenbestez, "dimisioa eman eta berehala hauteskundeak -maiatzaren 25erako- deitzeko" eskatu dute.
Gainera, oharraren arabera, "datorren astean bilera sorta bat" abiaraziko dute "Nafarroako Parlamentuko indar politikoekin, Bildurekin izan ezik, herritarrek iritzia ematea ahalbidetzeko" eman beharreko pausoak emateko.
Gainera, aurreratu duenaren arabera, PSN-PSOEk Lurralde Batzordea, kongresuarteko organorik garrantzitsuena, egingo du martxoaren 6an, behin betiko erabaki bat hartzeko.
Nafarroako sozialisten zuzendaritzak hainbat aukera izan ditu mahai gainean, eztabaidagai, ikerketa batzordeak Lourdes Goicoechea Ogasun kontseilariaren eta Barcinaren jardunean irregulartasunak egon direla ondorioztatu eta gero: zentsura mozioa aurkeztea, gaitzespen politiko bat eskatzea edota erabakia PSNren Lurralde Batzordearen esku uztea.
PSOE: "Barcinak dimititu behar du"
Oscar Lopez PSOEko Organizazio idazkariak Maria Dolores de Cospedal PPren idazkari nagusiaren kontra egin du "Barcinak bezala, besteei eraso egiten die, eurei ustelkeria babestea leporatu dietenean, besteak beste".
Erroman, Europako Alderdi Sozialistaren Kongresua bukatu ostean, hedabideen aurrean egindako adierazpenetan, Oscar Lopezek Nafarroako sozialistek hartutako erabakia babestu du.
"Barinak dimisioa eman behar du bere Gobernuan ustelkeria kasu argi bat izan delako eta, hortik aurrea, sozialistek bilera sorta bat abiaraziko dutela, alderdi guztiekin Bildurekin izan ezik, iragarri dute. Hori da sozialistok babesten duguna", azpimarratu du PSOEko Organizazio idazkariak.
"Ez dago moziorik"
Santos Cerdan PSN-PSOEko Organizazio idazkariak ukatu egin du Lurralde Batzordeak mozioa aurkeztea aztertu duenik, Maite Esporrin PSN-PSOEko Exekutiboko Udal Politikako idazkariak esandakoa "txarto ulertu" den eta gero.
Santos Cerdanek, halaber, Batzordeak hartutako erabakia berretsi du eta erabakitakoa prentsa oharrean jasotakoa besterik ez dela nabarmendu du.
Zure interesekoa izan daiteke
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.