Manuel Uriarte (PP): 'Nire erabaki pertsonala izan da'
Manuel Uriarte Gasteizko Ogasun zinegotziak uko egin dio Arantza Quirogak PPko idazkari nagusia izateko egin zion eskaintzari. Gaur azaldu duenez, hartutakoa "erabaki pertsonala" izan da, eta ez du argitu nahi izan erabakia hartzeko Alfonso Alonso Arabako PPko presidentearen "argibideak" jarraitu dituen.
Uriartek agerraldia egin du gaur goizean Gasteizeko Udalean, Quirogaren eskaintzari uko egin ondoren.
Beragan jarritako "konfiantza" eskertu dio Uriartek Quirogari, eta EAEko PPko presidenteak egin zion eskaintza familiarekin eta "alderdiko kide askorekin" ondo aztertu ondoren hartu zuela erabakia azaldu die kazetariei. "Azkenean, erabaki pertsonala izan da", berretsi du.
Uriarteren hitzetan, ez litzateke "bateragarria" izango Ogasun zinegotzi lanetan jarraitzea alderdiko zuzendaritzan dagoen bitartean, eta, horrenbestez, eskaintzari uko egitea erabaki du. "PPrentzat eta Gasteizko herritarrentzat erabilgarriagoa da ni hemen egotea", gaineratu du.
Azken egunetan gai horren inguruan "askotan" mintzatu da, Alfonso Alonsorekin, besteak beste; izan ere, alderdiko "kide askorekin" hitz egin ondoren, eskaintzaren aldeko eta kontrako arrazoiak "sakon" aztertu dituela nabarmendu du.
Proposamena asteburuan jaso zuela eta Quirogari asteartean erantzun ziola esan ondoren, Uriartek ez du argitu Alonsok eskaintzari uko egitea eskatu dion ala ez, baina "alderdiko kargu guztiekin" hitz egin duela azpimarratu du. "Kasu guztietan, kide horien babesa jaso dut", gaineratu du.
Zure interesekoa izan daiteke
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean 87 urte zituela hil zen Iruñean, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.