Cerverak Asiaini xantaia egin izanaren zantzuak atzeman ditu epaileak
Iruñeko 2. Instrukzio Epaitegiak Santiago Cervera PPko diputatu ohiak Nafarroako Kutxako presidente ohiari xantaia egin izanaren "zantzuak" atzeman ditu eta ikerketa amaitutzat jo du. CANeko presidente ohiari xantaia egitea leporatuta inputatu zuen Cervera abenduaren 14an.
Hemendik aurrera, fiskalak eta akusazio ezberdinek hamar eguneko epea izango dute ahozko epaiketa hastea edo kasua artxibatzea eskatzeko.
Gaur jakitera eman duen dokumentuan, epaileak esan du Cerverak Jose Antonio Asiain Nafarroako Kutxako presidente ohiari xantaia egin izanaren zantzuak badaudela.
PPko ordezkari ohia 2012ko abenduan atxilotu zuten, eta "azpijoko batean" erori zela esan zuen orduan. Gerora, tranpa hori Eloy Velasco PPko parlamentariak jarri ziola adierazi zuen Cerverak.
Epailearen 'zantzuak'
"Tranpa" horren inguruan "arrazoizko azalpenik" eman ez izana egotzi dio epaileak Cerverari. "Atxilotu zutenean, jarrera ez zen tranpa batean erori den pertsona bati espero dakiokeena", esan du epaileak.
Bestalde, beste bi txostenen arabera, litekeena da Asiaini bidalitako mezuaren igorlea Cervera izatea. PPko diputatu ohiaren egoera ekonomikoa zein zen ikusita, "helburu ekonomikoa" ere ezin dela baztertu adierazi du epaileak.
Jose Antonio Asiain CANeko presidente ohiak salatu zuenez, abenduaren 5ean mezu elektroniko bat jaso zuen, mehatxupean 25.000 euro emateko aginduz, eta, egin ezean, CANetik berak eta bere semeak jasotzen zuten diruaren berri emango zutela esanez. Presidente ohiaren esanetan, "gezurra da" bere semeak CANen dirua jaso izana.
Ansoainen dirua jasotzera joan zenean atxilotu zuen Guardia Zibilak Cervera. Berak lehenengo momentutik esan du "azpijoko" baten biktima izan dela, eta azaroaren 29an mezu bat jaso zuela CANeko isilpeko informazioarekin.
Cervera: 'Errugabea naiz'
Epailearen erabakia ezagutu ondoren, Cerverak berretsi du errugabea dela eta helegitea aurkeztuko duela iragarri du.
15 hilabeteko instrukzioaren ondoren, defentsak azpimarratu du epaileak ez duela lortu delitua nola egin zen frogatzea.
"Harrigarria da pertsona bati leporatutako delitua nola egin duen azaldu gabe pertsona hori epaitzea", gaineratu du. Horregatik, auzia artxibatzea eskatuko du Cerveraren abokatuak.
Asiainen abokatua, "pozik"
Javier Asiain CANeko presidente ohiaren abokatua "pozik" agertu da epailearen ebazpenarekin, eta Cerverak "xantaia" egin izanaren "zantzu asko" daudela goraipatu du.
"Cerverak xantaia egin zuen zantzu argiak jasotzen dira auto horretan", azpimarratu du.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.