'Inork ez du Eurogunetik kanpoko Katalunia independente pobrea merezi'
Mariano Rajoy Espainiako presidenteak asteazken honetan ohartarazi duenez, legea beteko du eta ez du Katalunian galdeketarik egitea onartuko. Are gehiago, "inork ez du merezi Eurogunetik kanpoko Katalunia independente pobrea".
"Nik ez dut Europar Batasunetik, Eurogunetik, Nazio Batuen Erakundetik (NBE) eta Nazioarteko Hitzarmenetatik kanpo geldituko den Katalunia txiroa nahi, eta horra eraman nahi gaituzte zenbaitek proposatzen duten horrek. Ez du inork horrelakorik merezi, ezta zuk ere, Bosch jauna", erantzun dio Mariano Rajoyk Alfred Bosch ERCk Diputatuen Kongresuan duen bozeramaileari asteazken honetan egiten ari diren Gobernuaren kontrol saioan.
Semaforoa berde jartzeko eta azaroaren 9an Katalunian galdeketa egiteko baimena emateko eskatu dio Boschek Espainiako Gobernuari: "Semaforoa gorri mantentzen tematuta jarraitzen duzu, baina jar ezazu semaforoa berde". "Milioika pertsona daude zuk diskoa aldatzeko zain, askatasun osoko eta demokrazia osoko garai baten zain", azaldu du. Halaber, PPren Gobernuaren jarrerak "istripua" eragin dezakeela ohartarazi du.
"Azaroaren 9an bozkatzera joango gara eta lasaitasunez egingo dugu, bozkatzeak ezin baitu legez kanpoko ekintza izan", nabarmendu du. Are gehiago, Rajoyk "kolektiboaren etorkizuna erabakitzeko, bozkatzea da onena" esan zuenekoa ekarri du gogora diputatu kataluniarrak.
Bestalde, Kataluniaz espainiar guztiek erabaki behar badute, bozketa hori proposatzeko eskatu dio Espainiako presidenteari.
Mariano Rajoy Espainiako presidenteak irmotasunez erantzun die Boschen eskariei, eta legea beteko duela nabarmendu du.
Zure interesekoa izan daiteke
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.