% 94k Euskal Herriaren independetziaren alde bozkatu dute, Etxarrin
Etxarri Aranatzek baiezkoa hautatu du igande honetan egin dute Euskal Herriaren independentziaren inguruko kontsultan. Baiezkoak 804 boto jaso ditu, botoen % 94. A13 Herri Galdeketa plataforma antolatzaileak azaldu duenez, % 2k (18 boto) ezezkoa eman dute eta botoen % 3 (26) zuriak izan dira. Horrez gain, hiru boto nulo ere izan dira.
Partehartzea % 43koa izan da; izan ere, parte hartzera deituta zeuden 16 urte baino gehiagoko 2.000 biztanleetatik, 851 pertsonak eman dute botoa.
Herritarrak izan dira emaitza jakin duten lehenengoak, Etxarri Aranatzeko plazan.
Antolatzaileek erabakitzeko eskubidearen alde lanean jarraituko dutela adierazi dute.
Normaltasuna eta lasaitasuna izan da nagusi bozketa egun honetan, goizeko 09:00etan hauteslekua zabaldu dutenetik. Herri galdeketaren bidez, Euskal Herri independente bateko kide izan nahi duten agertzeko aukera izan dute.
Begiraleek prozesuaren gardentasuna partehartzaileen askatasuna gailendu dute.
"Nahi duzu Euskal Herri independente bateko herritarra izan?" da erantzun beharreko galdera, 16 urtetik gorako herritarrak deituta dauden kontsulta honetan.
Herriko bizilagunek iritzia euren emateko aukera dute, "bai" edo "ez" esanda, edota boto "zuria" emanda, Manu Gomez A13 egitasmoa antolatu duen plataformaren bozeramaileak azaldu duenez.
Prozesuaren begiraleak honako hauek izan dira: Maider Goñi, Etxarri Aranatzeko alkate ohia; Araceli Markotegi, abokatua; Mario Zubiaga, EHUko Politikako irakaslea; Josep Manel Ximens, Kataluniaren independentziaren inguruan Arennys de Munten egin zuten galdeketaren bultzatzaile eta koordinatzailea; Anna Arque, Kataluniako Koordinakunde Nazionaleko komunikazio eta Nazioarteko Harremanetako arduraduna; eta Tatjana Zdanoka, Letoniako euroditutatua.
Arquek "normaltasuna", "aparteko auto-organizazioa" eta bozketan antzemandako "aniztasuna" nabarmendu du, informatu dute antolatzaileek ohar baten bidez. Tatiana Zdanokak, berriz, prozesu honetako "araudiaren zorroztasuna" azpimarratu du.
Gomezek orain dela aste batzuk esan zuenez, "demokrazian sakontzeko aukera bat da", eta galdeketa honen bidez, "Eskoziara, Kataluniara eta Europara" hurbilduko dira.
Halaber, Gomezen esanetan, hartutako bidea "emankorra izan da, herritarrek interesa helarazi dute, eta inplikatu egin dira". Lanean "normaltasun osoz" ari direla nabarmendu du, gainera, Gomezek.
Albiste gehiago politika
EAJk Getarian bilera egin du, Zarautzen ikasturte politikoari hasiera eman aurretik
Kurtso berriko lehen bilera izan du Jeltzaleen zuzendaritzak. Arratsaldean, berriz, urtero bezala Zarautzen egingo du eusko alderdi jeltzaleak urte politiko berriaren irekiera ekitaldia.
EH Bildu Eusko Jaurlaritzarekin akordioak lortzeko prest dago, politika publikoak "aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecok "koktel gaizto" bati egotzi dio Gaztela eta Leongo suteen larritasunaren errua
Bien bitartean, kolektiboak eta sindikatuak Gaztela eta Leongo Gorteen atarian bildu dira dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.
Marlaskaren esanetan, autonomiek ez zuten Estatuaren laguntza zalantzan jarri Feijook gehiago eskatu zuen arte
Luis Santamaria PPko senatariari erantzunez, Barne ministroak larrialdien alorreko eskumenak zeintzuk diren gogoratu du, eta PPko kideei "baloiak kanpora" botatzea leporatu die.
Lehendakariaren ustez, Estatukoa baino LGS "handiagoa" lortzeko moduan gaude, gizarte-eragileekin hitzartuta
Lehendakariaren ustez, adostasunerako "jarrera horretan" jarraitu behar da lanean, "oztopoak kenduz", "eragile sozialen aldetik" erresistentziak daudelako eta "gai horiek beti denbora" daramatela eta "landu egin behar direla" uste dutelako.
Pradales: “Moreno Bonillari deitu diot elkartasuna eta laguntza eskatzeko, migratzaile adingabeen % 50 autobusez iristen baitira Andaluziatik”
Lehendakariak azpimarratu du elkartasuna ardatz izanda garatu behar dela migratzaileen kudeaketa. Hala, horri buruz hitz egiteko eta lan egiteko deia egin du, pertsonak baitira eta horien giza eskubideak eta duintasuna bermatu beharra baitago.