Egibar: 'Urkullu-Mas bilera ez zen isilpekoa izan, diskretua baizik'
Iñigo Urkullu lehendakariak eta Artur Mas Kataluniako presidenteak maiatzaren 1ean izan zuten bilera izan duten hizpide, besteak beste, Radio Euskadiko tertulia politikoan. Joseba Egibar EAJko buruzagiaren hitzetan, bilera hori ez zen isilpekoa izan, diskretua baizik. "Subiranotasunaz, erabakitze eskubideaz edota gizartearen ongizatean eragina duten politikei buruz hitz egitea positiboa da, eztabaida baikorra", esan du.
Bi presidenteen hitzorduaren berri prentsaren bidez jakin zuela ziurtatu du Egibarrek, eta gaineratu du CiUren eta EAJren arteko harremana "etengabea" dela; besteak beste, Europako Hauteskundeetan koalizio berean aurkezten direla gogorarazi du.
Oskar Matute EH Bilduko kidearen esanetan, berriz, Mas eta Urkullu biltzea "normala" den arren, hitzorduari eman dioten "kutsu klandestinoa" ez da "zentzuzkoa". Matutek gogora ekarri du Autogobernu Ponentzian Artur Masek parte hartzea eskatu duela EH Bilduk, eta, bilera hau Masek ponentzian parte ez hartzeko aitzakia ez izatea espero duela gaineratu du.
PPko Borja Semperrek gogor kritikatu du lehendakariaren eta Kataluniako presidentearen arteko bilera. Buruzagi popularraren irudikoz, euren "obsesioez" hitz egiteko bildu dira Mas eta urkullu, eta ez herritarren beharrei buruz hitz egiteko. "Arazo bat dute eta herritarrak kontuan izan gabe konpondu nahi dute", esan du. Bi erkidegotako presidenteak izanda, batzarra egitea "logikoa" dela esan du Semperrek, baina Masekin egin duen gauza bera, Kantabriako, Asturiasko edota Galiziako buruzagiekin egin beharko lukeela Urkulluk iritzi dio.
Txarli Prieto sozialistak ere gogor kritikatu du Masek eta Urkulluk egindako bilera. Bizi dugun krisi ekonomikoaren erdian Urkulluk soberaniaz hitz egiteko "isilpeko bilera" bat egitea larritzat jo du. Bilera "misterioz" inguratuta eginda, mahai gainean dituen arazo nagusiak desbideratzea egotzi dio Prietok Urkulluri.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.