EAJ, PP, PSOE, IU eta UPyDren kanpainako ekitaldiak, bertan behera
Kanpainako ekitaldi guztiak bertan behera utzi dituzte gaur EAJk, PPk, PSOEk, UPyDk, CiUk, ERCk, BNGk eta IUk, Isabel Carrasco Leongo Diputazioaren presidentea hil dutela ezagutu eta gero.
Carrascoren hilketaren berri izan eta gero, EAJren kanpainako arratsaldeko ekitaldiak bertan behera uztea erabaki du EBBk, iturri jeltzaleek jakitera eman dutenez. EAJk Gernikan eta Iruñean ekitaldiak egin behar zituen.
EH Bilduk, ostera, kanpainako ekitaldia egitea erabaki du arratsaldean. Koalizio abertzaleak Basaurin (Bizkaia) egin du ekitaldia. Josu Juaristi koalizioaren zerrendaburuak eta Maribi Ugarteburu legebiltzarkideak parte hartu dute.
"Atsekabe handia" azaldu du Alderdi Popularrak. Mariano Rajoy Gobernuko presidenteak mitina eman behar zuen arratsaldean, Valladoliden, Esteban Gonzalez Pons PPko hautagaiarekin, Juan Vicente Herrera Gaztela eta Leongo presidentearekin eta Ramiro Ruiz probintziako presidentearekin batera.
Carlos Iturgaizek, Alfonso Alonsok, Javier de Andresek eta Alfonso Garrosak Euskadiko PPren ekitaldian parte hartu behar zuten Langraiz Okan (Araba), arratsaldean.
Era berean, PSOEk kanpainako ekitaldi guztiak bertan behera uztea erabaki du, baita Alfredo Perez Rubalcaba idazkari nagusiaren mitina (Jaen) ere.
Arratsaldeko eta gaueko ekitaldi guztiak bertan behera geratzen direla baieztatu dute iturri sozialistek.
Rubalcabak Jaenen mitina eman behar zuen ekitaldi nagusian, baina beste ekitaldi batzuk aurreikusita zituzten sozialistek. Eduardo Madina bozeramaile sozialistak hitzaldia eman behar zuen Madrilen, Tomas Gomez PSMko buruzagiarekin batera.
Bestalde, PSEk Gasteizen ekitaldia egin behar zuen, alderdiaren egoitzan (Lakua). Eider Gardiazabalek eta Txarli Prietok parte hartu behar zuten.
Bestalde, Izquierda Unidak eta UPyDk kanpainako ekitaldiak bertan behera uztea erabaki dute.
Besteak beste, Cayo Lara IUko koordinatzaile nagusiak mitina eman behar zuen 20:00etan, Murtzian.
UPyDk bi ekitaldi nagusiak Alacanten eta Malagan egin ditu hilketaren berri izan baino lehen. Francisco Sosa Wagnerrek eta Maite Pagazaurtunduak mitinak eman dituzte, hurrenez hurren. Hala ere, beste hainbat ekitaldi bertan behera utzi ditu alderdiak.
Arrasaten (Gipuzkoa) egin behar zuen ekitaldia bertan behera utzi du Ezker Anitza-IU Iratzarri-EKI koalizioak.
Indarkeria "sekula bidea ez" dela azaldu du koalizioak agiri batean, eta Carrascoren senitartekoei elkartasuna adierazi die.
Barne Ministerioaren arabera, Leongo Diputazioaren presidentearen hilketa "mendeku pertsonal" baten ondorio izan da. Hipotesi nagusia hori da.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.