Leongo Diputazioko presidentea tirokatu eta hil dute
Isabel Carrasco Leongo Diputazioko presidentea hil da tirokatuta, astelehen honetan, haren etxe inguruan, Leongo Condesako Pasealekuan, Poliziak jakitera eman duenez.
Lekukoek azaldu dutenez, 17:20an emakume batek hiru aldiz tirokatu du Isabel Carrasco, Leongo probintziako PPko presidentea ere badena, Bernesga ibai gaineko pasabidean zegoela.
Bi pertsona atxilotu dituzte, Leongo Diputazioko presidentearen heriotzagatik.
Atxilotuak Polizia Nazionaleko inspektore baten ama alabak (55 eta 35 urte dituzte, hurrenez hurren) dira, baina oraindik ez dute zehaztu gertaeretan izan duten ustezko inplikazioa. Barne Ministerioak heriotza "mendeku pertsonala" izan den hipotesia du. Dirudienez, alaba atzo kaleratu zuten biktimak zuzentzen zuen probintzia erakundetik, Poliziaren iturriek jakitera eman dutenez.
Montserrat Triana Martinez Gonzalez eta haren ama, bi atxilotuak, Alderdi Popularreko militanteak dira.
Iturri berberek azaldu dutenez, ustez eta behin betiko baieztapenik gabe ama izan da hiru tiro eman dizkiona Carrascori, Berneasga ibai gaineko zubian, eta, ondoren, ihes egiten saiatu da, 150 metrora zuen autorantz joatean.
Bi emakumeen atxiloketa erretirodun polizia batek parte hartu duelako izan da posible, politikariari egin dioten tiroketa ikusi ahal izan duelako.
Polizia Nazionalak arma bilatuko du astearte honetan, Bernesga ibaian; izan ere, erasotzaileak errekara bota zuela uste dute.
Ihes egiteko asmoa zuen ibilgailuaren barnealdean eskularru batzuk eta txano bat aurkitu dituzte; armarik ez, oraindik desagertuta jarraitzen duelako, ondorioz, ez da jakin poliziaren pistola den ala ez. Inspektorea Astorgako Polizia-etxeko burua da.
Isabel Carrascoren gorpua 19:20an eraman dute Leongo auzitegi medikuaren institutura.
Gertaerak eragina izan du hauteskunde-kanpainan
Gertaerak hauteskunde-kanpaina nahigabetu du. Mariano Rajoy Gobernuko presidenteak Valladoliden mitin bat ematea aurreikusita zuen, baina, azkenean, bertan behera geratu da. Uneotan Leonera bidean da.
Maria Dolores de Cospedal PPko idazkari nagusia astearte honetan joango da Leonera, alderdiari babesa emateko, Isabel Carrascoren heriotzaren ostean. Astelehenean Extremaduran ekitaldi bat zuen, Jose Antonio Monago erkidegoko presidentearekin batera, eta bertan zeudenei minutu bateko isilunea eskatu die Leongo Diputazioko presidentearen heriotzagatik.
Bestalde, EAJk, PSOEk, UPyDk eta IUk ere astelehen honetako kanpaina-ekitaldi guztiak bertan behera utzi dituzte.
Elkartasuna
Iñigo Urkullu lehendakariak "asaldura eta atsekabea" erakutsi ditu, Leongo Diputazioko presidentearen hilketagatik.
Mariano Rajoy Gobernuko presidentea "atsekabetuta" azaldu da eta "elkarrekin egoteko unea" dela azpimarratu du.
Alfredo Perez Rubalcaba PSOEko idazkari nagusiak hilketa gaitzetsi du, eta, Jaendik, mitin bat ematea aurreikusita zuen lekutik, "elkartasuneko besarkada bat" bidali die PPko militanteei eta buruzagiei.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.