Egibar: 'Abdikazioa ez da gure kontua, ez dira gure erregeak'
Joseba Egibar EAJko Gipuzkoako presidenteak esanetan, Juan Carlos I.aren abdikazioa eta Felipe printzea Espainiako errege izendatzea "ez dira jeltzaleen kontuak"; izan ere, "ez dira gure erregeak, ez orain ezta etorkizunean ere".
Euskadi Irratiari eskainitako elkarrizketan, monarkia edo errepublika aukeratzeko balizko erreferendum bati buruz ere aritu da Egibar. EAJk ez duela galdeketarik defendatuko azpimarratu du, Euskal Herrian "alde batetik monarkia daukagulako eta, bestetik, Iparraldeko hiru lurraldeetan, errepublika".
"Gaia aztertu ondoren, gure kontua ez dela erabaki dugu. Ez dira gure erregeak, ez orain ezta etorkizunean ere, eta datorrena datorrela, ez dugu bozketa horretan parte hartuko. Hortaz, abstenitu egingo gara. Horrez gain, aita eta semea militarrez jantzita ikusi nituen atzo, eta hori ez da gure Estatu eredua, ezta gutxiago ere. Militar jantziak janzteko ohitura handia daukate batak zein besteak", adierazi du.
Bestalde, Felipe errege izendatzeak "ez ditu gauzak gehiegi aldatuko", nabarmendu du. "Aitak lekukoa igorriko dio semeari, koroa buru batetik bestera igaroko da, eta biak militarrez jantzita".
Bestalde, Durango eta Iruñea batuko dituen giza katean parte hartuko duela iragarri du Egibarrek, Andoni Ortuzar EAJko presidentearekin batera. Hala ere, jeltzaleek ez dute "kontsignarik" eman Gure Esku Dago ekimenaren inguruan.
Zure interesekoa izan daiteke
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.