EAJ: 'Konstituzioaren erreforma topagune izan liteke'
Joseba Egibar EAJren bozeramalearen ustean, Konstituzioa erreformatuz gero, berezko izaera duten subjektu politikoak onartu beharko lituzke (Euskadi eta Katalunia) eta aukera bat izan liteke "topagune bat bilatzeko, Estatuarekin bat egiteko, modu askean, ez inposaketaren bidez".
Radio Euskadin izandako eztabaida politikoan, Joseba Egibarrek Felipe VI errege berriaren izendapena izan du hizpide; bere ustean, garai berri bat hasiko da, eta Konstituzioaren erreformari eta lurralde ereduari ekin ahal izango zaie, "errege berriak gogoan duelako afera hau existitzen dela".
"Negoziazio prozesu bat zabal liteke borondate politikoa badago, bertan (EAEko) herritarrek modu aske eta demokratikoan erabaki ahal izango dute. Nazionalistak sentitzen garen euskal herritarrok berezko Estatua nahi dugu, eta argi dago Errepublika litzatekeela", esan du Egibarrek.
Halaber, Oskar Mautek (EH Bildu) "haustura demokratikoaren" alde egin du. Matuteren iritzian, koroatze berria "aurreko erregearen lana egonkortu nahi duen iruzurra da; ez dugu ulertzen zergatik joango den lehendakaria (koroatze ekitaldira), herri honen gehiengoak Borboiak eta Estatu eredua kritikatzen dituenean".
Jose Antonio Pastorrek (PSE-EE), ordea, esan duenez, bere alderdia "prest dago Konstituzioaren erreformaren inguruan eztabaidatzeko. Guk federalismoaren aldeko apustua egin dugu, baina ezin dugu galdu garai honek emandako alde ona, ezin dugu zerotik hasi".
Iñaki Oyarzabalen (PP) esanetan, koroaren ondorengotza "naturala da, aitak eman eta semeak jaso, eta ez da Estatu eredua aldatzea. Trantsiziotik datorren adostasun prozesua zapuztuko genuke. Ondo legoke EAJk herritarrei azalduko balie eskubide historikoak Koroarekin egindako paktuei esker mantendu direla".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.