Legebiltzarrean da dagoeneko Tortura Ikertzeko Proiektua
Eusko Jaurlaritzak Eusko Legebiltzarreko talde parlamentarioei bidali die gaur, larunbata, 1960-2010 aldian Euskadin izandako Tortura Ikertzeko Proiektuaren proposamena, ohar baten bidez jakinarazi duenez.
Ikerketak "torturaren fenomenoaren dimentsio globala eskainiko du, salaketak oinarri hartuta"; halaber, 200 eta 400 kasu bitarteko lagin adierazgarri baten azterketa enpirikoa ere egingo du.
"Txostenak 40 kasu enblematiko ingururen azterketa kualitatibo eta narratiboa jasoko du; bertan, haien giza esperientziak azalduko dira, baita bizitzan pairatutako ondorioak ere", oharraren arabera.
Txostena egingo duen taldea
Francisco Etxeberria mediku ezagunak gidatuko du taldea. Etxeberria medikuntzan doktore da, Lege eta Auzitegiko Medikuntzan osagile espezialista eta EHUko irakasle titularra.
Benito Moretinek ere parte hartuko du talde txostengilean. Moretin medikuntzan doktore da, Lege eta Auzitegiko Medikuntzan osagile espezialista eta auzitegiko mediku titularra.
Carlos Martín Beristain medikuntzan doktore da baita ere, eta Osasunaren Psikologian osagile espezialista.
Azkenik, Laura Pego zuzenbidean lizentziaduna, kriminologian espezialista eta KREIko ikertzaileak txostenaren garapenean lagunduko du.
Ikerketa eta azterketa
Txostenak 40 kasu enblematiko ingururen azterketa kualitatibo eta narratiboa jasoko du; bertan, haien giza esperientziak azalduko dira, baita bizitzan pairatutako ondorioak ere.
Ikerketaren diseinuaren dokumentua, halaber, Europako Kontseiluaren Torturaren Prebentziorako Batzordera ere bidali dute, bere balorazioa egin dezan.
KREIko lantaldeak datozen bi urte eta erdian erabiliko dituen ikerketaren eta metodologiaren diseinua da aste honetan Bakegintza eta Bizikidetzarako Idazkaritzari emandako agiria.
Torturak "azken 50 urteetan Euskadin izan duen benetako eraginaren berri ematea da ikerketaren helburua", eta "errekonozimendu, konponketa eta prebentzioari lotutako ondorioak zehaztea".
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.