Darpon: 'Gaixoei ez zaie asistentziarik ukatuko ohe faltagatik'
Jon Darpon Eusko Jaurlaritzaren Osasun sailburuak ukatu egin du opor garaian ohe kopurua murriztu izana, sindikatuek kontrakoa salatu arren. "Udako abestia" da hori, baina, sailburuaren esanetan, ez da gaixorik geratuko "arreta jaso gabe, ohe faltagatik".
Darponek prentsaurrekoa eman du Gasteizen, Osakidetzan Gaixoen Segurtasuna bermatzeko Estrategia berria aurkezteko.
Satse eta SAE erizaintza sindikatuek oheen itxiera dela eta egindako kritiken harira, Darponek esan du "udako abestia" bailira hartzen dituela kritikak, "Osakidetzan ez ezik, osasun sistema guztietan" izaten direlako kritikak.
"Georgie Dannekin akordatzen zara? Bada, hau ere udako abestia da. Ikusiko duzu nola udaren ostean, berriro galdetzen didazunean, nola ez den inor geratu arretarik gabe ohe faltagatik", azpimarratu du.
Murrizketak eta itxierak
SAE erizainen sindikatuak kontzentrazioa egin du Arabako Unibertsitate Ospitaleko kontsulten egoitzaren parean udako murrizketengatik protesta egiten. Gaixotasunek ez dutela oporrik hartzen eta gaixoak "berdin-berdin artatu" behar direla nabarmendu dute bertan.
Bestalde, Satsek aurreko astean salatu zuenez, Osakidetzak "ospitaleetako, kirurgia geletako, esnatzeko unitateetako eta suspertze geletako 1.075 ohe" ixteko asmoa du udan, baina "azkenean uztailaren 1ean ezin izan dituzte denak itxi".
Zure interesekoa izan daiteke
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du eta erabat gaitzetsi du. Gaineratu du Ebaluazio Batzordeak 183 biktima aitortu dituela ofizialki. Egiari Zor eta Berridatzi biktimen elkarteak ere Legebiltzarrean izan dira, eta biktimen aitortza eskaerak aurkezteko epeak zabaltzeko eskatu dute. 1960tik gaurdainoko kasuak aitortzeko ere eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.