Matas espetxeratuko dute Gobernuak indultua errefusatu eta gero
Jaume Matas Balearretako presidente ohiak bederatzi hilabeteko espetxe-zigorra bete beharko du eraginen trafikoagatik. Kartzela saihesteko indultua eskatu zion Matasek Espainiako Gobernuari, baina eskakizuna atzera bota du gaur Exekutiboak.
Era berean, Baltasar Garzon Auzitegi Nazionaleko epaile ohiak, Jose Maria Ortega Cano toreatzaileak, Julian Muñoz Marbellako alkate ohiak eta Angel Carromero PPko Nuevas Generacionesen buruzagiak eskatutako indultuak ez ditu onartu Gobernuak.
Diskurtsoak idazten zizkion kazetari batek diru publikoa legez kanpo jasotzeko bidea erraztea leporatu zioten Matasi. Palmako Auzitegiak espetxeratzeko agindua bertan behera utzi zuen urte hasieran, indultuaren erabakiaren zain.
Lehen auzialdiko epaitegiak sei urteko kartzela-zigorra ezarri zion Palmako Auzitegian, baina Gorenak bederatzi hilabetera murriztu zuen. Palmako Auzitegiak sententzia nola beteko den zehaztuko du datozen egunetan, Balearretako Auzitegi Nagusiak baieztatu duenez.
Ingurumen ministro ohiak noiz eta non beteko duen zigorra erabakiko du orain aretoak. Era berean, Matas funtzionario-eroskeriagatik zigortu zuten, baina ez zioten espetxe-zigorrik ezarri, 9.000 euroko isuna baizik.
Gainera, Matas ustezko ustelkeriako hainbat prozesu judizialetan inputatu dute, besteak beste, Noos auzian. Jose Castro epaileak prebarikazio administratiboa, diru publikoak bidegabe erabiltzea, administrazioari iruzurra eta eraginen trafikoa delituak egotzi zizkion.
Balearretako presidente ohiak ez du erabakiaren aurkako helegitea aurkezteko aukerarik, iturri judizialek errepikatu dutenez. Horrela, Palmako Auzitegiak erabakia berretsi, kartzelan sartzeko epe bat ezarri eta zigorra betetzeko espetxea zehaztu beharko du datozen egunetan.
Zure interesekoa izan daiteke
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.