Kontsulten legea onartu du Kataluniako Parlamentuak
Kataluniako Parlamentuak kontsulten legea onartu du gaur. CiU, ERC, ICV-EuiA, CUP eta PSC alderdiek legeari babesa eman diote. PPCk eta Ciutadansek kontrako botoa eman dute.
Herritarren parte-hartzerako eta kontsultarako legeak aldeko 106 boto jaso ditu Parlamentuan, hau da, Ganberaren bi herenek babesa eman diote.
Generalitateko Aldizkari Ofizialak (DOGC) argitaratzen duenean legea indarrean sartuko da. Ondoren, azaroaren 9ko kontsulta deitzeko dekretua sinatuko du Artur Mas presidenteak. Legediak kontsulta onartzen ez duela ohartarazi du Espainiako Gobernuak dagoeneko, "arauak direnak direlako". Joana Ortega Generalitateko presidenteordearen hitzetan, kontsulta "datozen orduetan edo egunetan" deituko du Masek.
Ganberako 135 diputatuetatik, 106k aldeko botoa eman dute, 28k kontrakoa eta parlamentari bat ez da saioan izan gaixorik zegoelako (Marta Llorens kristau-demokrata).
Kontsulten bigarren legea
Kataluniako Parlamentuak onartzen duen kontsulten bigarren legea da: 2010ean aurrenekoa onartu zuen, Jose Montillak (PSC) zuzendu zuen Gobernuaren azken legealdian, hirutariko bigarren Exekutiboan, hain zuzen ere. Kontsulta aurrera eramateko Estatuaren babesa beharrezkoa zela zehazten zuen aurreneko legeak, baina Jose Luis Rodriguez Zapateroren (PSOE) Gobernuak helegitea aurkeztu zuen Auzitegi Konstituzionalean.
Josep Rull (CiU) diputatuaren ahotan, kataluniarrek "lanabesik onenak izango dituzte nazioak erabaki ahal izateko", baina legea ez dute azaroaren 9rako espresuki egin.
Gemma Calvet ERCko diputatuak azaldu duenez, araua guztiz konstituzionala da eta Auzitegi Konstituzionalean helegiterik ez aurkezteko eskatu dio Gobernu zentralari. "Egun historikoa" dela erantsi du.
Santi Rodriguez PPko bozeramailearen ondokoak PSCri dei egin dio: "Jaramon egin. Huskeriak alde batera utzi eta 'ezetz' bozkatu". PPren kontrako botoa demokraziari 'baietz' esatea dela goraipatu du Rodriguezek.
Artur Mas Generalitateko presidentea Parlamentura heldu denean. Argazkia: EFE
Elkarretaratzea
Bien bitartean, Parlamentuaren kanpoaldean independentziaren aldekoek eta kontrakoek elkarretaratzeak egin dituzte. Osoko bilkurako saioan, gonbidatuen tribunan, besteak beste, Muriel Casals (Omnium Cultural) eta Carme Forcadell (ANC) egon dira.
Carme Forcadell ANCko presidentearen esanetan, nahiz eta Espainiako Gobernuaren oposizioa izan eta Auzitegi Konstituzionalak betoa jarri "ez izan zalantzarik: azaroaren 9an bozkatu eta irabaziko dugu".
Era berean, Xavier Trias Bartzelonako alkatea, Salvador Esteve Bartzelonako Diputazioko presidentea, Josep Poblet Tarragonako Diputazioko presidentea, Joan Giraut Gironako Diputazioko presidentea, Josep Maria Alvarez UGTko idazkari nagusia eta Joan Carles Gallego CCOOko idazkari nagusia bertan izan dira.
Gobernuaren helegitea, berehalakoa
Masek erreferenduma deitzeari itxaron gabe, kontsulten legeari helegitea aurkeztea erabakita du Espainiako Gobernuak. Errekurtsoa Ministroen Kontseiluak onartu behar du eta Kataluniak ematen dituen pausoek Mariano Rajoyren Exekutiboaren egutegia baldintzatuko dute.
Parlamentuak kontsulten legea onartu eta gero, Generalitateko Aldizkari Ofizialean argitaratzea itxarongo du Espainiako Gobernuak.
Orduan, Exekutiboak helegitea aurkezteko prozedura martxan jarriko du. Cristobal Montoro Ogasun ministroak Estatu Kontseiluari txosten bat egitea eskatuko dio. Eskakizuna asteburuan egitea aurreikusita dute eta Estatu Kontseiluari abisua eman diote.
Estatu Kontseiluaren erantzun azkarra espero du Gobernuak. Txostena Montorori igorri eta Ministroen Kontseiluak ezohiko bilera egingo du.
Exekutiboak helegitea aurkeztea erabaki eta Rajoyk eskaera sinatuko du, Estatuko Abokatutzari emateko. Abokatutzak helegitea Auzitegi Konstituzionalean aurkeztu du.
Masek dekretua berehala sinatzen baldin badu, bi helegite aurkeztuko lituzke Espainiako Exekutiboak, bat kontsulten legearen kontra eta beste bat deialdiaren aurka.
Generailtateak hartu beharreko erabakien zain, Rajoy Txinara joan baino lehen, asteartean, helegitea aurkeztea espero du Gobernuak. Ministroen Kontseiluko ezohiko bilera asteburuan egitea ez du baztertu Exekutiboak.
Zure interesekoa izan daiteke
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.