Aburto izango da EAJren Bilboko alkategaia
Juan Mari Aburto Enplegu eta Gizarte Politiketarako sailburua izango da EAJren hautagaia Bilboko alkate izateko 2015eko maiatzeko udal-hauteskundeetan, EiTBk jakin ahal izan duenez.
Aburto Ibon Aresoren kargua hartzeko hautagaia izango da horrela. Iñaki Azkuna hil ostean, Aresok hartu zuen alkatetza, eta legegintzaldia amaitzen denean utziko du.
Aburtoren inguruko albistea Jose Luis Bilbaok ahaldun nagusi kargurako hautagai ez dela izango iragarri eta biharamunean iritsi da. Ahaldun nagusiak Bilboko alkategai ere ez dela izango jakinarazi zuen.
Proposamena gaur onartu dute Sabin Etxean, Bizkai Buru Batzarraren eta Bilboko hamahiru batzokiak barne hartzen dituen batzordearen arteko bileran.
Hori horrela, Aburto izango da EAJren afiliatuek urriaren 7an proposatuko duten hautagaia. Izan ere, orduan hasiko da EAJren hautagaiak izendatzeko prozesua, tartean Bizkaiko ahaldun nagusigaia izendatzeko.
Aburtoren biografia
Juan Maria Aburto Enplegu eta Gizarte Politiketako sailburua Bizkaiko Aldundiko oinarri nagusietako bat izan zen Jaurlaritzara heldu aurretik eta, 2012ko abendutik, giltzarria izan da Iñigo Urkullu lehendakariaren Eusko Jaurlaritzan ere.
Hain zuzen ere, Aburto Bizkaiko Foru Aldundiko bozeramaile eta Lehendakaritza diputatua izan zen Urkulluren Gobernura iritsi aurretik.
Ordutik, Aburto Enplegu eta Gizarte Politiketako sailburua izan da. Gaia ez zitzaion berria egin, azken legegintzaldian Ekintza Sozialeko diputatua izan baitzen. Sail horrek inoiz izan duen aurrekonturik handiena kudeatu behar izan zuen.
Aldundira iritsi aurretik, Eusko Jaurlaritzan ere aritu zen, Juan Mari Atutxa Herrizaingo sailburuaren lantaldean.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.