Ugartek aurreratu du ez dela ahaldun nagusirako hautagaia izango
Larraitz Ugarte Gipuzkoako Foru Aldundiko Mugikortasuneko eta Bide Azpiegituretako Departamentuko diputatuak esan duenez, datorren urteko udal eta foru hauteskundeetarako hautagaitzak prestatzen ari da EH Bildu, herri-batzarretan eta herritarren parte-hartzearekin. Joan den astean Martin Garitano ahaldun nagusiak hautagai izateko aurkeztuko ez zela baieztatu ondoren, izen-dantza handia dabil: Ugartek aurreratu du bera ez dela ahaldun nagusirako hautagai aurkeztuko, baina ziurtzat eman du "EH Bilduk hautagai oso ona" aurkeztuko duela Garitanoren lekukoa hartzeko.
"EH Bilduren hautagaia oso-oso ona izango da. Gure konfiantza guztia izango du, hortan ez izan zalantzarik", nabarmendu du. Ugartek, dena dela, taldeari eman dio garrantzia: "Talde oso bat dago atzean, talde indartsu bat, eta hori erakutsiko dugu hurrengo hautagaitzan ere". Hauteskundeetarako hautagai zerrendak osatzeko, herri-batzarrak eta koalizioko militanteak lanean ari direla eta izen guztiak hortik aterako direla gaineratu du.
Elena Franco Gipuzkoako Ogasun diputatuaren izena ere aipatu da ahaldun nagusi kargurako, batean eta bestean, azken egunotan, baina Ugartek argi utzi du Francok berak joan den asteburuan jakinarazi zuela elkarrizketa publiko batean ez zela hautagaia izango.
'Norentzako Kutxabank nahi dugu?'
Kutxabank auziari buruz ere hitz egin du Ugartek. Goitik behera gezurtatu ditu atzo Xabier Iturbe Kutxako presidenteak Euskadi Irratian esandakoak. EH Bilduk Kutxabank fundazio bihurtzeko aurkeztu duen proposamena juridikoki ez dela bideragarria esan zuen Iturbek. Diputatuaren iritzian, Iturbe "gezurretan" eta "eztabaida distortsionatzen" ari da. "Gure proposamena juridikoki legala da, hori badakite. Kontua da, horrelakoak esanez, eztabaida distortsionatzen ari direla. Guk sakoneko eztabaida nahi dugu, ereduari buruzko eztabaida. Norentzako Kutxabank nahi dugu? Eztabaida hori ekiditen ari dira", nabarmendu du.
Ugarteren hitzetan, kapital pribatuari bidea zabaltzeko interesa dago, eta beste aukerak ez dira aztertu ere egin nahi. "Uste dugu oraindik eztabaidatzeko garaiz gaudela. Guk planteatzen dugun puntu mugiezin bakarra kontrol soziala bermatzearena da, gainerakoa eztabaidatu daiteke: formula ezberdinak planteatu daitezke", zehaztu du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.