Ebolaren aurka hartutako neurriak, auzibidean
La Paz Ospitaleko Zainketa Intentsiboetako Zerbitzuko hamabost medikuk jarritako salaketa tramitera onartu du Madrilgo auzitegi batek. Ebolari aurre egiteko hartutako neurriak ez zirela egokiak izan salatu dute.
Maria Teresa Abad Madrilgo instrukzio-epaitegiko epaileak La Paz ospitaleari informazio zehatza eskatu dio, ebolari aurre egiteko abian jarritako prozeduraren inguruan; beharginen segurtasuna bermatzeko hartutako neurriei eta langileei eskaini zaien formazioari buruzko xehetasunak nahi ditu. Formazio ikastaroak nork eman dituen eta ikastaro horietara nor joan den ere jakin nahi du epaileak.
Lan Ikuskaritzan langileen sindikatuek jarritako salaketak eta txostenak ere eskatu ditu magistratuak. Osasun publikoaren eta langileen segurtasunaren kontrako delituak salatu dituzte langileek. Epaileak uste du legea urratu izanaren zantzuak badirela eta ikertu egin behar direla.
CSI-F sindikatuaren salaketa
CSI-F sindikatuak Fiskaltzaren eta Lan Ikuskaritzaren aurrean aurkeztu du salaketa, Teresa Romero ebolaz kutsatutako erizaintzako laguntzailearen kasuan irregulartasunak egon zirelakoan. Sindikatuak salatu duenez, SUMMA 112 larrialdi zerbitzuak Teresa Romeroren deia jaso zuenean, Osasun Publikoaren Zuzendaritza Nagusiari ez zion informazio zuzena helarazi: alegia, ez zion jakinarazi Romero Manuel Garcia Viejo misiolaria zaintzen egon zela, nahiz eta horren berri izan, eta ez zion ohartarazi kutsatuta egoteko zantzuak zeudela.
CSI-F sindikatuaren bozeramaileak, Elena Moralek, komunikabideen aurrean esan duenez, Romerok Larrialdietarako Koordinazio Zentrora deitu zuenean, bi datu eman zituen: 38,3 graduko sukarra zuela eta Garcia Viejo zaintzen egon zela ospitalean. Larrialdietarako Zentroko langileak, baina, ez zien bigarren datu horren berri eman Osasun Publikoko langileei; hau da, ez zien jakitera eman erizaintzako laguntzailea ebolaren ondorioz hil zen misiolaria zaintzen egon zela. Ondorioz, ez zen indarrean jarri ebolaren kontrako protokoloa.
Beraz, etxez etxeko arreta ematen duen zerbitzuak jaso zuen Romero artatzera joateko abisua. "Erizaintzako laguntzailea artatzen hasi zenean ohartu zen osasun-langilea ebola zantzuak zituela", salatu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.