EAJ: 'Hautestontziak izan ala ez hitza hartuko dute kataluniarrek'
Aitor Esteban Diputatuen Kongresuko EAJren bozeramaileak adierazi duenez, “hautestontziak izan ala ez” Kataluniako herritarren adierazpen “oso garrantzitsua” izango da datorren igandean, azaroaren 9an, nahiz eta Auzitegi Konstituzionalak “parte hartzeko prozesua” debekatu.
Gainera, partida “bukatu ez” dela ohartarazi du jeltzaleak, hasi baino ez da egin eta Kataluniaren “adierazpen aske eta baketsuarekin” amaituko da.
“PP helegiteekin eta herritarrei adieraztea galarazteko noraino helduko den”, galdetu du Estebanek agerraldi batean. “Parte hartzeko prozesu bat, Kataluniako herritarrei inkesta bat” egitearen aurka azaldu dira, erantsi du. “Zein izango da hurrengo pausoa?, manifestazioak eta Kataluniako herriaren adierazpenak debekatuko dituzte?”, gaineratu du.
Bozeramaile jeltzalearen ahotan, “urrunegi joan dira”, eta Mariano Rajoyren Exekutiboak “jokatzen ari den norgehiagoka amaitu dela uste badu oker egongo da”, nahiz eta “epailea bere alde izan, eta behin eta berriro partidako baloia zulatu”.
“Demokrazia ukatzea” egotzi dio EH Bilduk Konstituzionalari
Bestalde, Auzitegi Konstituzionalak hartutako erabakia “demokrazia ukatzea” dela salatu du EH Bilduk. Espainiako “Estatuaren izaera autoritarioaren” beste adibide bat dela erantsi du. “Espainiako Estatuaren itzalaldi demokratikoaren” aurrean “Katalunian eta Euskal Herrian prozesu konstituziogileak” aurrera eraman behar dituztela adierazi du koalizio abertzaleak.
Hasier Arraiz eta Rebeka Ubera EH Bilduko bozeramaileek prentsaurrekoa eman dute Donostian. “Estatuak nola hala Kataluniako gizartearen adierazpen askatasuna eragozteko bidean” pauso berri bat eman duela kritikatu dute bozeramaileek.
Gobernuaren helegitea onartuta, Konstituzionalak “Estatuak agindutako beto agertoki batean kokatu gaitu eta eskubide demokratiko bat gauzatzea ukatu du”, Arraizen hitzetan.
“Espainiako Estatuaren itzalaldi demokratikoaren aurrean, Kataluniak eta Euskal Herriak argi propioa behar dute, prozesu konstituziogileak bi herrietan, alegia”, azaldu du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.