Izagirrek barkamena eskatu die gaur biktima guztiei bando baten bidez
Euskal Autonomia Erkidegoko erakundeek ekitaldi bereziak egingo dituzte gaur, Oroimenaren Eguna dela eta, indarkeriaren biktimak gogoratzeko.
Lehenengoz, Eusko Jaurlaritzak ez du ekitaldi propiorik antolatu, baina Legebiltzarrekoan parte hartuko dute Jaurlaritzako ordezkariek.
Hala ere, ekitaldi horretara ez dira alderdi guztiak joango; izan ere, PPk eta UPyDk aparte egingo dute biktimen omenezko ekitaldia.
Horrez gain, Euskadi Irratiak jakin duenez, Juan Karlos Izagirre Donostiako alkateak (Bildu) bandoa kaleratu du gaur, biktima guztiei barkamena eskatzeko.
Bertan, Izagirrek atsekabea azaldu du biktima guztiek jasan duten sufrimenduagatik, eta, autokritika egin du, agintariek ez dutelako neurria ematen jakin biktimen aurrean.
Biktimaren bat “erabilia edo baztertua” sentitu bada, nahigabea adierazi nahi diela esan die Donostiako alkateak. Indarkeria mota guztien aurkako mezua zabaldu du Izagirrek Euskadi Irratiari egindako adierazpenetan.
Memoriaren Egunaren harira zabaldu den bandoan, Donostia “bortxakeriaren ondorio gogorrak sufritu dituen hiria” dela esan du Izagirrek; ETAren indarkeriak eta Estatuarenak “sakoneko sufrimendua” eragin dute, Izagirreren hitzetan, eta bandoan indarkeriaren aurkako jarrera irmoa agertu du.
Biktima guztien sufrimenduagatik “atsekabea” azaldu du alkateak.
Bakoitzak bere biktimei begira “denbora gehiegi” eman duela jaso du alkatearen bandoak. Etorkizunera begira, “egia” aldarrikatu du, pertsona guztien eskubideetan oinarritutako elkarbizitza eraikitzeko.
Bide horretan, Donostiako bortxakeriaren mapa osatzeko ikerketa martxan jarri duela jakinarazi du alkateak. Aditu independenteek egingo dute mapa, eta datozen egunetan emango dituzte jakitera aditu horien izenak.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.