Huarte eta Urmeneta frankistei Nafarroako Domina kentzea eskatu dute
Izquierda-Ezkerrak, EH Bilduk eta hainbat elkartek Felix Huarte eta Miguel Urmeneta agintari frankistak izandakoei Nafarroako Urrezko Domina kentzeko eskatu diote Foru Gobernuari.
Nafarroako Gobernuak atzo erabaki zuen Felix Huarte politikari eta enpresaburu zenari eta Miguel Urmeneta Iruñeko alkate zenari ematea domina, Nafarroako industrializazio prozesuaren sustatzaileak izan zirela argudiatuta.
Hori horrela, Izquierda-Ezkerrak kritikatu egin du erabakia, eta "frankismoa eta Nafarroan 3.400 pertsona hil zituen Erregimen diktatorial eta genozida batean parte hartu zuten pertsonak omendu nahi izatea" egotzi dio UPNri.
"Bereziki mingarria da Felix Huarteren kasua, horren enpresak Erorien Arana eraikitzeko esleipena jaso zuelako, preso errepublikanoek halabeharrez egin behar zuten lanaz baliatuta", deitoratu du.Hori dela eta, domina Fusilatutakoen Senideen Elkarteari ematea proposatu du.
Bilduk Foru Parlamentuan duen taldeak adierazpen proposamen bat aurkeztu du Ganberan, Huarteri eta Urmenetari domina kentzea eskatzeko. Izan ere, "preso politikoak esklabo gisa erabili zituena" saritu dutela salatu du.
Koalizio abertzalearen ustez, aurtengo golardoek erakutsi egiten dute domina nori eman erabakitzeko prozesua aldatu egin behar dela, irekiagoa eta parte-hartzaileagoa izan dadin. Halaber, domina frankismoaren biktimei ematea proposatu du.
Nafarroako Ezkerreko Junta Errepublikanoa "harrituta" agertu da, Erorien Harana eraikitzeko esklaboak erabili zituen enpresaburu bat eta nazien menpe zegoen Dibisio Urdineko boluntario bat saritu dituztelako. Elkarteak hori Memoria Historikoaren Legearen urraketa ote den aztertuko du.
Memoriaren Autobusa plataformak "diktadurari omenaldi publikoa" eman izana eta frankismoaren historia "zuritu" nahi izana salatu du.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.