Rebeka Ubera Aralarreko idazkari nagusi izendatu dute
Aralarrek alderdiaren VI. Kongresua egin du larunbat honetan Iruñean, eta zuzendaritza berria eta idazkari nagusi berria aukeratu ditu. Hala, Rebeka Ubera alderdiko idazkari nagusi izendatu dute militanteen % 85,7ren babesarekin. Rebeka Uberak Patxi Zabaletaren tokia hartu du, eta Aralarren sorreratik alderdiko buru izan dena, berriz, ohorezko presidente izendatu dute militanteen %89,5ek hala erabakita.
Kongresuan, alderdiaren estatutu berriak eta ponentzia politikoa ere onartu dituzte, babes zabalarekin. Ponentzia politikoa militanteen % 88,7k babestu dute, eta estatutuak, berriz, % 83,5ek.
Gainera, gaurko Kongresuan zuzendaritza berria ere aukeratu dute. Rebeka Uberarekin batera, Ainhoa Beola, Asun Fernandez de Garaialde, Jon Iñarritu, Nekane Perez, Maite Sarasua, Rikardo Otxoa, Aitor Zaldua eta Aser Lertxundik osatuko dute zuzendaritza berria.
Alderdiko idazkari nagusi izendatua izan ostean, Rebeka Uberak hartu du hitza eta azpimarratu duenez, "garai politiko garrantzitsu honetan inoiz baino gertuago daukagu alderdiaren sorrerako helburu nagusietako bat, ezker abertzale zibil eta anitza osatzea, alegia". "Ausardiaz eta eskuzabaltasunez jokatu behar dugu. Euskal Herriak egitura demokratikoak eta eraginkorrak dituen ezker abertzalea behar du, hori baita Euskal Herri independente eta burujabea lortzeko bermea", gaineratu du.
Nafarroako egoera ere hizpide izan du, eta, Uberaren iritziz, Aralarren "ibilbidea eta borroka" Nafarroan aldaketa soziala eta politikoa gauzatzeko, eta bakea eta elkarbizitza demokratikoa lortzeko "bermea" da.
EH Bilduko barne egituretan sakontzeko beharra
Idazkari nagusi berriaren iritziz, "beharrezkoa da EH Bilduko barne egituretan sakontzea, izan ere, alderdien koalizio huts izatetik haratago joan behar du eta ezkerreko eta mugimendu ezberdinetako jendea batu. Gure buruari jarri diogun helburua eta erronka da", gaineratu du.
Zure interesekoa izan daiteke
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.