Esparzak UPNren zerrendaburu izateko hautagaitza aurkeztuko du
Jose Javier Esparza Nafarroako Gobernuko Landa Garapen, Ingurumen eta Toki Administrazioko kontseilariak dagoeneko iragarri du Nafarroako Parlamenturako UPNren zerrendaburu izateko hautagaitza aurkeztuko duela, Yolanda Barcinak hautagaitzari uko egin eta gero.
Yolanda Barcina Nafarroako Gobernuko eta UPNko presidenteak hautagai ez zela izango iragarri ostean, Zerrenden Batzordeak ondorengoa eta Iruñeko eta Tuterako Udaletako zerrendaburuak aukeratzeko egutegia zehaztu zuen. Epea bihar, azaroaren 18an, irekiko da, eta 24ra arte egongo da zabalik hautagaitzak jasotzeko.
Horren haritik, hautagaiek curriculuma aurkeztu beharko dute, Zerrenden Batzordeak aztertzeko, eta, ostiralean lortutako akordio baten ondoren, Kontseilu Politikoari igorriko dizkio aurkezten dituzten hautagaitzak, horrek, ondoren, zerrendaburua aukera dezan.
Kontseilu Politikoa azaroaren 29an, larunbata, egingo dute, eta bertan bozkatuko dira hautagaitzak. Nafarroako Presidentetzarako UPNren hautagaia alderdiak hilaren 30ean egingo duen Alderdiaren Egunean aurkeztea espero da.
“Urratsa emango dut”, esan du Esparzak. Horren esanetan, gaur goizean eman dio Barcinari bere erabakiaren berri, baina ez du argitu babesa eman dion. Halere, UPNren presidente den heinean “errespetu handia” izango duela esan du.
Beste alderdikide batzuek hautagaitza aurkezteko aukeraren inguruan, Esparzak adierazi du hori “positiboa” dela “beti” eta, ziurtatu duenaren arabera, azkenean beste pertsona bat hautatzen badute “nire babes osoa izango du”. “Zenbat eta hautagai gehiago, orduan eta hobeto, nire iritzian”. “Urratsa eman dezakeen eta hautagai zoragarria izan litekeen lagun asko dago”, azpimarratu du.
PSNrekin akordioak egitearen aldekoa ote den galdetu diote, eta, esan duenez, “entzutea oso garrantzitsua izan ohi da asmatzeko” eta “akordioak lortzeko gaitasuna izatea gakoetako bat da”. Halere, Esparzaren esanetan, “nik emandako pauso bakarra nire burua alderdiaren eskuetan jartzea izan da, gainerako guztiaz hitz egiteko denbora egongo da”.
Kazetariek egindako galderei erantzunda, bestalde, ukatu egin du Yolanda Barcinaren hautagaia izatea. “Javier Esparza berarengan konfiantza duenaren hautagaia izango da”, erantzun du, berak berezko ibilbidea egin duela gogorarazi baino lehen. Besteak beste, Aoizeko alkate, Cederna-Garalur Landa Garapeneko Institutu Nafarreko zuzendari eta Nafarroako Enplegu Zerbitzuko zuzendari izan da.
Gainera, aditzera eman du ez Barcinak ez Miguel Sanzek eskatu diotela hautagaitza aurkeztea, eta ez duela kritikoekin hitz egin; “UPNko sentsibilitate eta esparru ezberdineko kideek deitu didate, animoak emateko”.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.