Aldaketa 'abian da' Gipuzkoan, Markel Olanoren arabera
Markel Olano Gipuzkoako ahaldun nagusirako EAJren hautagaiak adierazi duenez, aldaketa "beharrezkoa" da Gipuzkoan eta, gainera, dagoeneko "abian da" jeltzaleen eskutik.
Olanok 2015eko udal eta foru hauteskundeei begira ekitaldia egin du larunbat goizean Beasainen, eta Gipuzkoarako duen proiektuaz hitz egin eta ezker abertzalearenarekin alderatu du. "Ezker abertzalearen ereduaren euskarria arlo publikoa da, inposizioan oinarrituta dago eta ez da batere eraginkorra", nabarmendu du.
"Guk enpresekin, erakundeekin eta gizartearekin batera egindako lana defendatzen dugu. Bilduren inposizioaren aurrean, planifikazioaren, eraginkortasunaren eta parte-hartzearen aldeko apustua egiten dugu; izan ere, herritarrek beren iritzia entzuteko eta beren eskariak aintzat hartzeko eta aplikatzeko eskatzen dute", gaineratu du.
Azaldu duenez, hurrengo legegintzaldirako lehentasunak "Gipuzkoako ekonomiaren berrikuntza sustatzea, babes sozialari eustea eta urte hauetan Bilduk kudeatzen jakin ez duen proiektuak konpontzea dira".
Gipuzkoak Bidegiko arduradun ohi baten kontrako kereila aurkeztuko du
Gipuzkoako Foru Aldundiak kereila kriminala jarriko du Bidegiko arduradun ohi baten kontra eta AP-1eko obra zuzendaritzako eta enpresa kontratistako bi arduradun ohien kontra. Egin ez ziren lan batengatik 3,4 milioi euro ordaindu eta kobratu izana leporatzen die. Olanoren iritziz, Bilduk iragarritako kereilak ezker abertzalearen baitan dagoen "zatiketa" eta "enfrentamenduari" erantzuten dio. Are gehiago, ezker abertzalearen baitan dauden "bi fakzioek" EAJren aurrean erabili beharreko estrategiaren inguruan ikuspuntu ezberdinak dituztela iritzi dio.
Horren esanetan, Bilduren kereila "sorpresa" bat izan da eta hurrengo hauteskundeei begira koalizioko kideek duten "urduritasuna"ren ondorio da. Are gehiago, kereila horrekin hauteskundeak "baldintzatu" nahia leporatu dio Bilduri.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.