Boto emaileen % 90ek Usansoloren desanexioa babestu dute
Usansoloko herritarrek, gaur egun Galdakaoko auzoa dena, udalerri bihurtzea babestu dute Usansolo Herria plataformak deituta gaur egin duten kontsultan. Parte-hartzea handia izan da eta botoa eman dutenen % 89,8k Usansolo herri bihurtzea bozkatu dute. Dena den, galdeketak "ez dauka ez balio juridikorik, ezta politikorik ere".
Hautetsontziak arratsaldeko zortzietan itxi dituzte, eta 2.187 lagunek eman dute boza, botoa emateko aukera zutenen % 76k gutxi gorabehera.
Kontsultaren antolatu duen Usansolo Herria plataforma "oso pozik" agertu da herritarren parte-hartzearekin. Antolatzaileek azaldu dutenez, beren aurreikuspenak gainditu egin dira; izan ere, 1.500 pertsona bozkatzea "erabateko arrakasta" izatea aurreikusten zuten.
Usansolo Herria plataformak emaitzen argitasuna nabarmendu du, nahiz eta kontsultak balio juridikorik ez izan. Orain, antolatzaileek herri berriak sortzea eragozten duen foru legea aldatzea eskatuko diote Bizkaiko Foru Aldundiari, desanexio prozesua has dadin.
Unkina plazan jarritako lau boto-kutxak 09:00etan zabaldu dira, aurreikusita zegoen bezala, eta normaltasuna izan da nagusi bozketan, hauteslekuaren inguruan sortutako zenbait ilaraz aparte, Monika Menia Usansolo Herria plataformako kidearen esanetan.
Menak gogora ekarri duenez, bozkatu ahal izateko, Usansoloko bizilagunek (16 urtetik gorakoek) NAN eta errolda agiria aurkeztu behar izan dute, Udalak ukatu baitzuen errolda ofiziala Usansolo Herria plataformari helaraztea.
Bozketan, zenbait kazetarik eta bertoko ordezkarik osatutako begirale talde bat izan da, lehenengo ordutik bozketa prozesua aztertzen, berme guztiekin egiten zela baieztatzeko.
Bestalde, lau mahaietako arduradunek hautesle bakoitzaren nortasuna erregistratu dute sistema informatiko batean, pertsona batek bitan bozkatzea saihesteko.
Kontsulta honek, baina, ez du zerikusirik Galdakaoko Udalak 2015. urteko otsailerako antolatu nahi duen "parte-hartze prozesua"rekin.
"Baliogabea", EAJren aburuz
Unai Rementeria Presidentetza diputatu eta Bizkaiko Foru Aldundiaren bozeramailearen hitzetan, kontsultak "ez dauka balio ez juridikorik ez politikorik" eta Ibon Uribe Galdakaoko alkateak proposatutako "bide-orria" jarraitzeko deia egin du (2015eko otsailean kontsulta egiteko).
"Egitekotan, balioduna izan dadila, ez zaborrera botatzeko. Igandean egingo dutenak ez dauka balio ez juridikorik ez politikorik. Gauzak behar den moduan egin ditzagun, baliodunak izan daitezen", ziurtatu du.
"Legezkoa"
Monica Mena Usansolo Herria plataformako bozeramaile eta Galdakaoko zinegotziak azaldu duenez, kontsulta legezkoa da, ekimen pribatua izango delako.
Gainera, Galdakaoko Udalak egingo duen parte-hartze prozesuari dagokionez, zentzurik ez duela iritzi dio Menak, legeak ez duelako aurreikusten Bizkaian herri gehiago sortzea.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.