Masek ez du Pujol auziari buruzko batzordean agerraldia egingo
CiUk eta ERCk adostuta, Artur Mas Kataluniako presidenteak ez du Pujol auziari buruzko ikerketa batzordeank agerraldia egin beharko. Gaurko bozketan atzera bota duten izen bakarra da Masena.
Izan ere, CiUk atzera egin du eta ez die betorik jarri oposizioak egindako proposamenei, eta bere abstentzioari esker, ERCk, ICV-EUiAk, Ciutadansek eta CUPek egindako proposamena onartu dute. Proposamen horretan Felipe Gonzalez eta Jose Maria Aznar Espainiako Gobernuko presidente ohien agerraldiak eskatzen dituzte.
Batzordea gaur jarri da abian Parlamentuan, eta azaroaren 21ean onartutako zerrenda zabaldu dute, CiUk eta PSOEk oposizioko taldeek egindako proposamen batzuei betoa jarri izanak kritika handiak eragin ostean.
Azkenean, ERCk, ICV-EUiAk, Ciutadansek eta CUPek egindako zerrenda bateratua, CiUrena, eta ICV-EUiAk eta Ciutadansek bakoitzak bere aldetik egindako proposamenak onartu dituzte.
Aurrera egin ez duen proposamen bakarra Artur Mas Generalitatearen presidentearena izan da, CiUk eta ERCk kontra bozkatu dutelako, baina Felipe Puig kontseilari ohia eta Generalitateko 40 bat kargudun ohiren arduradunarenak aurrera egin du.
Zerrenda bateratuan agertzen dira Jordi Pujolen garaiko bi goi kargudun, Macia Alavedra eta Lluis Prenafeta, Daniel Osacar CDCren diruzain ohia, Felix Millet Orfeo Catala Fundazioaren presidente ohia, Javier de la Rosa eta Fidel Pallerols enpresarioak, eta Lluis Pascual Estevill epaile ohia.
CiUk eskatuta, ordea, ERCko, PSCko eta ICV-EUiAko goi kargudun ohiak joango dira batzordean deklaratzera, tartean Josep Lluis Carod-Rovira presidenteorde ohia.
Hori horrela, 140tik 180ra igo dute agerraldi kopurua, eta batzuk aditu gisa joango dira. Horixe da Miguel Angel Mayo Ogasun Ministerioko Teknikarien Sindikatuko Kataluniako koordinatzailea. Horren arabera, iruzur fiskala Kataluniako Barne Produktu Gordinaren laurdenaren parekoa da.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.