Suberanisten gehiengo absolutua ezinbestekotzat jo du Artur Masek
Irailaren 27an egingo dituzten hauteskundeetan, indar suberanisten gehiengo absolutua lortzea ezinbestekotzat jo du Artur Mas Generalitateko presidenteak, prozesuarekin jarraitu ahal izateko.
Rac1 irrati-kateari eskainitako elkarrizketan, iraileko hauteskundeetan zerrendaburu izango den azkeneko aldia izango dela adierazi du Artur Masek.
1979tik izan duen izenarekin aurkeztuko da CiU hauteskundeetara, eta “etxe handi bat” gobernatzea izango du helburu nagusi, Masen hitzetan. Izan ere, hauteskundeetako helburua subiranotasunaren alde dauden indarren gehiengo absolutua lortzea izan behar dela esan du Generalitateko presidenteak. Hala gertatzen ez bada, eta hauteskundeak CiUk irabazten baditu, presidente izaten ahaleginduko da Artur Mas.
Horren ustez, irailaren 27an “urrezko aukera” izango dute “gehiengo indartsu eta zabalak” independentziaren alde egiten duela erakusteko. Gehiengo absolutu hori lortzeko aukera badela esan du Masek, baina “ibilbide zaila” izango dela onartu du.
Hori lortzen ez bada, egungo egoerak bere horretan jarraituko luke, horren esanetan: “Espainiako periferia izaten jarraituko luke Kataluniak”.
Independentzia 2016. urtean aldarrikatu beharko litzatekeela adierazi zuen atzo ERCk, baina Artur Mas ez da gai horretan sartu, “zailtasun handiko prozesua baita”.
Hortaz, irailaren 27koa “behin betiko galdeketa” izatea espero du Artur Masek, eta katalanen iritzia ezagutzeko “tresna” izango dela gaineratu du.
Uztailetik ez du Rajoyrekin hitz egin
Masek jakinarazi du uztailetik ez duela Mariano Rajoy Espainiako presidentearekin harremanik izan. Uztailean Madrilen, Moncloa jauregian, bildu ziren Rajoy eta Mas. “Ez du nirekin hitz egiteko gogorik”, esan du.
“Abuztuan edo irailean deituko zidala esan zidan. Berak deitu behar zuen, baina ez dit deitu”, azaldu du.
Albiste gehiago politika
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.