Erkoreka: 'PPren presioen ondorioz dator Arrospideren atxiloketa'
Alderdi Popularrak egindako presioen ondorioz eman dute epaileek Santiago Arrospide Sarasola, ‘Santi Potros’, ETAko buruzagi ohia atxilotzeko agindua, Josu Erkoreka Eusko Jaurlaritzako bozeramailearen iritzian.
Gobernu bileraren ondoren egindako agerraldian, Santiago Arrospiderekin gertatutakoaren aurrean Jaurlaritza "harrituta" dagoela esan du Erkorekak.
Erkorekak salatu duenez, Santiago Arrospide atxilotu eta espetxeratzeko erabakia “PPren Gobernuak egindako presioen ondorioz” etorri da.
Horren esanetan, Mariano Rajoyren Gobernua “epaileek, eta ez epaileek bakarrik, hartu behar dituzten erabakien iragarle” bilakatu da.
Adibide moduan, azaroaren 9ko prozesu parte-hartzailearen ondoren Fiskaltzak hartutako erabakia aipatu du Erkorekak. “PPko ordezkari batek aurreratu zuen bezala jardun zen Fiskaltza”, zehaztu du.
ETAko presoek Europako beste herrialdeetan betetako zigorrak pilatzeari buruz duen iritzia ere eman zuen Mariano Rajoyren Gobernuak, “eta Gorenak, bere irizpidea aldatuz, Gobernuaren bidea hartu zuen”, azaldu du.
“Santi Potrosen kasuan ere, berriro espetxeratzea eskatu zuen Gobernuak, eta, hara, espetxeratu egin dute”, azpimarratu du.
“Norbaitek bere buruari galdetu behar dio ea nola lortzen duen PPko Gobernuak iragarpen guztiak asmatzea”, esan du Erkorekak. “Azalpena epaitegi horietako epaileek ematen digute”, erantsi du.
Auzitegi Goreneko zenbait epailek “presioak eta injerentziak” jasan zituztela salatu zuten duela hilabete batzuk, Erkorekaren esanetan, “eta Auzitegi Nazionaleko batzuk ere kexu direla ikusi dugu gaur bertan”, gaineratu du.
Zure interesekoa izan daiteke
Bi dekretu onartzea adostu dute PSOEk eta Sumarrek: bat krisiaren kontrako neurriekin eta bestea etxebizitzari buruzkoa
Irango gerraren ondorioak leuntzeko lege-dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairu-kontratuen luzapena eta enpresa-marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.