Martxoak 16ko albiste nagusiak
"Amaitu da UPNren krisia"
Yolanda Barcina UPNko presidenteak "krisia amaitutzat" jo du, Nafarroako Parlamenturako zerrendan egongo ez dela erabaki eta Javier Esparza alderdi horretako hautagai nagusiari jakinarazi ostean. Parlamentuko zerrendan egotea baztertu du Barcinak, "alderdiaren onerako baita", horren iritzian. "Ni prest nengoen, aspalditik esanda nuen bezala, erantzukizun kontua baita une konplikatu honetan zerrendaren parte izatea, baina UPNren interesaren mende nago, hau da, Nafarroako interes nagusiaren mende", adierazi zuen atzo. "Ikus dezakezuenez, oso arin konpondu dut afera", esan du.
Hobetuz, kinka larrian
Hobetuz Langileen Prestakuntzarako Euskal Fundazioa kinka larrian dago. Hobetuzen Patronatuak bilera egingo du gaur Espainiako Gizarte Segurantzak eskatzen dizkion 25,7 milioi euroak itzultzeko moduari nola aurre egin aztertzeko. Langileen Prestakuntzarako 1996 eta 1999 bitartean jasotako diru-laguntzetatik erabili ez zen dirua bueltatzeko eskatu du Espainiako Gizarte Segurantzak. Eusko Jaurlaritzak, Confebask patronalak eta UGT eta CCOO sindikatuek osatzen dute Hobetuzen Patronatua, eta auzi horri erantzuteko erabaki onena zein den erabaki beharko dute gaur.
Olano, Bidegi auziko ikerketa batzordean
Zalantza barik, astelehen honetako argazkietako bat izango da: Markel Olano eta Eneko Goia Gipuzkoako ahaldun nagusigai eta Donostiako alkategai jeltzaleak, AP-1 autobidearen inguruko ustezko iruzurra argitzeko auziaren (Bidegi auzia) ikerketa batzordean deklaratzen. Olano ahaldun nagusia zen garai hartan.
Valentin Lasarte, aske
Beste argazki bat honakoa izango da: Valentin Lasarte ETAko kide ohi damutua espetxetik ateratzen. 19 urte eman ditu preso, eta, Langraiz Bideari heldu eta gero, gaur aterako da Zaballako kartzelatik, Espetxe Zuzendaritzak hainbat murrizketa aintzat hartu dizkiolako. ETAko kide ohiari 400 urteko espetxe zigorra ezarri zioten, zazpi hilketatan parte hartzeagatik. Besteak beste, Gregorio Ordoñez Donostiako PPko zinegotziaren, Alfonso Morcillo udaltzainaren eta Fernando Mugica buruzagi sozialistaren hilketetan hartu zuen parte. Epaiketa batean, barkamena eskatu zuen, eta diru kopuru txikiak ordaindu ditu, hilketa horietan izan zuen erantzukizun zibilari aurre egiteko. 2010ean, ETAk kanporatu egin zuen.
Dilma Rousseff, jomugan
Dilma Rousseff Brasilgo presidentea ez dago bere uneri onenean. Atzo, milaka brasildar batu ziren Sao Paolon, Rousseffen politikaren kontrako manifestazioan. Besteak beste, "Kanpora Petrobas", "Petrobasek lapurtu egin zuen" eta "Petrobas inoiz ez" leloak oihukatu zituzten horiz jantzitako manifestariek. Protestarietako batzuek Rousseffen kontrako epaiketa politikoa egiteko eskatu zuten. 2015eko urtarrilaren 1etik, bigarren legegintzaldian dago Rousseff.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.