Susana Diaz: 'Bakarrik gobernatuko dut'
"Bakarrik gobernatuko du". Aldarrikapen irmoa egin du goizean Susana Diaz Andaluziako PSOEko idazkari nagusi eta 2015eko martxoaren 22ko hauteskunde autonomikoen irabazleak. Buruzagi sozialistak agertu duenez, hauteskundeetan lortutako "gehiengo zabala" dela eta, "lehen ez nuen egonkortasuna dut orain".
Cadena SER irrati kateari eskainitako elkarrizketan, aurreko legegintzaldian IUrekin zuen koalizioaren inguruan mintzatu da Diaz: "Haien erabakien menpe nengoen, orain lehen ez nuen egonkortasuna dut". Horren hitzetan, "andaluziarrek argi hitz egin dute eta PSOEk gehiengo zabala du" (47 eserleku).
Diazen esanetan, sozialistek osatutako gobernu batek bi kasutan bakarrik edukiko luke oztoporen bat: "PPk eta Podemosek bat egiten badute edo alderdi guztiek gure kontra egiten badute".
"Ezagutzen nautenek badakite esaten dudana bete egiten dudala: bakarrik gobernatuko dut", iragarri du. Hori bai, "jende guztia (Parlamentuan ordezkaritza lortu duten alderdiei erreferentzia eginez) eroso egon dadin eginahalak egingo ditut eta gogotsu jardungo dut", erantsi du.
Martxoaren 22ko hauteskundeen emaitzak:
Andaluziako Parlamentua osatuko duten gainerako lau alderdiekin hitz egiteko prest agertu da Diaz. "Jende guztiari entzungo diogu, euren ekarpena egiteko modua izan dezaten", esan du. Dena den, Andaluzian abiatu den aro berri honek eskatzen duen mailan egoteko deia egin die beste alderdiei.
Madrildik aritzea baztertu du
Espainiako hauteskundeetan lehiatzeko asmorik ote duen galdetuta, ezezko biribila eman du Diazek: "Oraintxe Andaluzia da nire pasioa, eta ez dut besterik buruan. Inork ez nau Andaluziara bidali, hau da nahi dudana, eta orain nire lurra da nire anbizioa". Hala, "bistan denez", legegintzaldi guztian Andaluzian geratuko dela esan du Diezek.
Pedro Sanchez PSOEko idazkari nagusiarekin duen harremanaz ere aritu da Diaz. Horren arabera, harreman "normala" dute eta "sarri" hitz egiten dute elkarrekin. Diazen esanetan, "argi dago bera Madrilen dagoela eta ni hemen. Sanchezek badaki andaluziarren interesak beti egongo direla PSOEren interesen gainetik; ni naiz andaluziar guztien presidentea", erantsi du.
Susana Diaz, garaipena ospatzen. Argazkia: EFE
Podemos, Ciudadanos eta PP, ahotan
Podemosek eta Ciudadanosek lortutako emaitza onei buruz galdetuta, hauxe esan du Susana Diazek: "Jakin bagenekien herritarrak ez zeudela pozik, politika egiteko modu zaharrak aldatu nahi zituztela". Buruzagi sozialistaren ustez, igandean gertatutakoa lezioa izan da alderdi guztientzat, eta berak ilusioz eta erantzukizunez hartu du garaipenaren erronka.
Alderdi Popularrek jasandako porrota logikoa dela adierazi du Diezek: "Alderdi Popularrak ez du Andaluzia ulertzen, eta herritarrek zigortu egin dute". Mariano Rajoy Espainiako presidentea "hauteskunde kanpainan bakarrik gogoratu da Andaluziarekin", buruzagi sozialistaren iritziz.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.