Hitzordu bikoitza gaur Kongresuan eta Senatuan, suteen erantzukizunak argitzeko helburuarekin
Suak kalteak eragin dituen eremuetara bideratzeko laguntzak onartzeko asmoa du gaur Espainiako Gobernuak, Ministroen Kontseiluan. Halaber, Kongresuko Diputazio Iraunkorrean PPk eskatutako agerraldiei buruz eztabaidatuko dute.
Astearte honetan alderdi politikoek hitzordu bikoitza dute Kogresuan eta Senatuan, uda honetan Iberiar penintsulan piztutako suteen kudeaketa aztertzeko helburuarekin; izan ere, Espainiako Gobernuak eta PPk elkarri leporatzen diote gertatutakoaren erantzukizuna, eta badirudi bi aldeen arteko liskarrak ez duela etenik izango.
Testuinguru horretan, suak kalteak eragin dituen eremuetara bideratzeko laguntzak onartzeko asmoa du gaur Espainiako Gobernuak Ministroen Kontseiluan. Halaber, Kongresuko Diputazio Iraunkorrean PPk eskatutako agerraldiei buruz eztabaidatuko dute.
Popularrek eskatu dute Sara Aagesen hirugarren presidenteorde eta Trantsizio Ekologikorako ministroa eta Margarita Robles Defentsa ministroa Kongresura joatea, suteek kaltetutako autonomia erkidegoei laguntzeko Espainiako Gobernuak martxan jarritako jarduera guztien berri eman dezaten.
Gainera, Pedro Sanchez Espainiako Gobernuko presidentea Kongresura joatea nahi dute popularrek, Begoña Gomez emazteari delitu gehiago egin izana egozten diotelako, baita Leire Diazen ikerketa judizialari buruz eta ustelkeriari buruz hitz egin dezan ere.
Horrez gain, Fernando Grande-Marlaska Barne ministroak, Elma Sainz Migrazio ministroak, Ana Redondo Berdintasun ministroak eta Maria Jesus Montero lehen presidenteorde eta Ogasun ministroak lehenbailehen agerraldi bana egin dezaten eskatu du PPk, azalpenak eman ditzaten.
Kongresuko Diputazio Iraunkorrak goizean egingo duen ezohiko bilkuran gai horiek eztabaidatu eta bozkatuko dituzte. Ondoren, Defentsa ministroak suteen kudeaketari buruzko azalpenak emango ditu Senatuan.
Zure interesekoa izan daiteke
Eusko Legebiltzarrak estrategia turistikoan jasangarritasunak "denean eragin" dezala eskatu du, eta baztertu egin du EH Bilduren proposamena
EH Bilduk udalen karga ahalmena neurtzeko eta turistifikazio maila sailkatzeko tresna zehatzak sortzea proposatzen zuen, baina mozioa atzera bota dute aurkako 46 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso dituztelako.
Eneko Anduezak espero du Zapaterok justiziaren aurrean emango dituen "argudioak nahikoak izatea absoluziorako"
Eneko Andueza PSE-EEren idazkari nagusiak adierazi duenez, “espero” du Espainiako Gobernuko presidente ohi Jose Luis Rodríguez Zapaterok justiziaren aurrean emango dituen “argudioak nahikoak izatea absolbitu dezaten”. Bestalde, Bilbo eta Donostia 2030eko Munduko Txapelketaren egoitza izateko aukerari buruz agertu diren zalantzez, batez ere euskal erakundeen eta EAJren aldetik, Anduezak esan du “batzuei bertigoa sartu zaiela” ekitaldi hori antolatzearen inguruan, eta ez zaiola “epe laburreko errendimenduari” soilik begiratu behar.
Asensiok esan du "erabateko konfiantza" duela Zapaterorengan, eta auzipetze-autoan "susmoak" besterik ez daudela
Jose Ignacio Asensio Gipuzkoako PSE-EEren idazkari nagusiak Radio Euskadiko mikrofonoen aurrean adierazi du Jose Luis Rodriguez Zapaterorengan “erabateko konfiantza” duela. Halaber, auzipetze-autoan "frogarik ez" dagoela eta, une batzuetan, "errugabetasun printzipioa urratu egiten" duela ere esan du.
Jesus Eguiguren: "'Lawfare'a baino gehiago da, estatu kolpe bat martxan dago legegintzaldi guztian"
PSE-EEren presidente ohiaren arabera, Sanchezek Zapateroren "kolpea" ere gaindituko du eta legegintzaldiaren amaierara arte iraungo du.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
Rufianek hauteskunde batzuetan zerrendaburu izatea onartuko luke, horrek ezkerra batzen lagunduko balu
Gabriel Rufian ERCk Kongresuan duen bozeramaileak defendatu du ezker soberanistaren eta espainiarraren arteko hautagaitza baten buru izango litzatekeela, horrek "hauteskunde-emaitzak handitzen" lagunduko balu, eta "aurrera!" egiteko oihua egin du.
Chivitek, Esparzari: "Gauza bat da arazoak egotea, eta beste bat, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNren parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularraren presidentearen iritziz, "orain arte ikusi gabekoa da" Espainiako une honetako egoera politikoa. Haren ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
EH Bilduk ere babestuko du Gipuzkoan zerga turistikoa ezartzea
EAJk eta PSEk Elkarrekin Podemosekin zeukaten akordioa lortuta EAEko hiru lurraldeetarako, eta bermatuta zegoen onartu egingo zela.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.