'De Miguel auzia ez da EAJ legez kanpo finantzatzeko trama bat'
Iñigo Urkullu lehendakariak ziurtatu duenez, De Miguel auzia ez da EAJ legez kanpo finantzatzeko trama bat, eta azpimarratu du EAJren portaera "berehalakoa, irmoa, argia eta eredugarria" izan zela 2010ean, hots, prozesu judiziala hasi zenean.
Horrela erantzun dio Urkulluk Gorka Maneiro UPyDko legebiltzarkideak Eusko Legebiltzarreko kontrol saioan De Miguel auziaz egin dion galderari. Gasteizko Instrukzio 4. zenbakiko Epaitegiak 26 pertsona inputatu ditu, tartean, EAJren Arabako hainbat buruzagi ohi. Orotara, 11 delitu leporatu dizkie, hala nola dirua zuritzea eta funts publikoak bidegabe erabiltzea.
Maneiroren iritziz, ez EAJ ez Jaurlaritza ez dira egoerak eskatzen zuen mailan egon azken egunetan, batez ere, epaileak bere autoa argitaratu zuenetik.
Lehendakariak azpimarratu du gertaturikoaren berri jaso zuenean EAJ zegoela agintean, eta orduan, orain bezala, EAJk defenditzen duela gertakariek ez dutela inolako zerikusirik alderdiarekin eta ez dela alderdia legez kanpo finantzatzeko kasu bat.
Halaber, berretsi du Xabier Agirre garai hartan Arabako ahaldun nagusi jeltzalea zenaren jokabidea "eredugarria" izan zela, irmo eta argi jokatu zuelako, inputatuak kargutik kendu zituelako eta afiliatu txartela ematera behartu zituelako.
Urkulluk epailearen autoarekiko eta prozedura judizialarekiko errespetua agertu du, eta, aldi berean, errugabetasun-presuntzioa errespetatzeko eskatu du. Gainera, azpimarratu du Eusko Jaurlaritza dela epaia irmoa izateko interesa duen lehena, eta, edozein kasutan, epaitegien erabakiak errespetatuko dituela gehitu du. Are gehiago, auziak erakundeari eragiten badio, "azkar, irmo eta argi" erantzungo duela esan du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.