Epaileak 26 pertsona inputatu ditu De Miguel auzian
Roberto Ramos epaileak bukatu egin du De Miguel auziko ikerketa, eta 26 pertsona inputatu ditu, tartean Arabako EAJko hainbat goi-kargudun ohi. Orotara 11 delitu egozten dizkie, hala nola dirua zuritzea eta funts publikoak bidegabe erabiltzea. Hain zuzen, ustez legez kanpoko komisioak kobratzen zituen sare bat aztertu dute auzi honetan.
Gasteizko Instrukzioko 4. zenbakiko Epaitegiko arduradunaren esanetan, zantzu nahikoak daude Alfredo de Miguel Arabako EAJko "bigarren" eta foru diputatu ohia akusatzeko. Auziko inputatu nagusia da.
De Miguelez gain, besteak beste, hauek inputatu ditu epaileak: Aitor Telleria eta Koldo Ochandiano Arabako EAJko kide ohiak; Gurutz Larrañaga eta Xabier Sanchez Robles, Juan Jose Ibarretxe lehendakariaren Gobernuko kide ohiak; Julian Sanchez Alegria eta Alfonso Arriola, EAEko teknologia parkeen sareko buruzagi ohiak, eta Iñaki San Juan, Leioako zinegotzi jeltzale ohia.
Halaber, artxibatu egin du Asier Arzalluzen (Xabier Arzalluz EAJko presidente ohiaren semea) eta Pablo Jesus Larrabideren aurkako kausa.
Kontratuak "legez kanpo" lortzeko "elkarte sarea"
Epaileak 11 delitu egotzi dizkie inputatuei: prebarikazioa, delituak jazartzeko beharrari muzin egitea, funtzionario-eroskeria, influentzia-trafikoa, dirua zuritzea, funts publikoak bidegabe erabiltzea, administrazio publikoei iruzur egitea, funtzionario publikoek debekatuta dituzten negoziazio edo jarduerak egitea, agiri publikoak faltsutzea, Ogasun Publikoaren aurkako delituak eta konkurtso publikoetan prezioak eraldatzea.
Autoaren arabera, "egiaztatu egin da badagoela Alfredo de Miguel Agirre buru zuen sare antolatu baten zantzurik". Gainera, buruzagi jeltzale ohiak berak "erantzukizun politikoak edota instituzionalak" zituzten hainbat pertsonaren laguntza izan zuela gaineratu du.
Sare horren helburua zen "Eusko Alderdi Jeltzaleak (EAJ) zuzendutako administrazioetan edo erakunde publikoetan legez kanpoko kontratuak edo esleipen publikoak lortzea".
Halaber, sareak "komisioak" edo "ordainketak" eskatzen zituen, "kontratu simulatuen bitartez".
Bost urteko ikerketa
Ainhoa Alberdi abokatuak 2009an Alfredo de Miguelen eta Aitor Telleriaren aurka jarritako salaketa batek abiatu zuen auzi hau.
Alberdik legez kanpoko komisioak kobratzeko sare bateko kide izatea egotzi zien Fiskaltzaren aurrean, horren arabera, 100.000 euroko ordainsaria eskatu ziotelako, abokatu hori administratzaile zen Urbanorma enpresari esleitutako kontratu batengatik.
Salaketa horren ondorioz, Ramos epaileak ikerketa abiatu, eta De Miguel atxilotzea agindu zuen 2010eko martxoaren 17an. Une horretan, buruzagi jeltzalea Herri Administrazioko foru diputatua zen.
Operazio hartan, beste zazpi pertsona ere atzeman zituzten. Atxilotu zituzten egunean bertan utzi zituzten aske, baina karguak egotzi zizkieten.
Harrezkero, Ramos epaileak loditu egin zuen auzia, inputatuen kopurua gero eta gehiago handituta. De Miguel eta beste 25 pertsona inputatu ditu azkenean.
Iñigo Urkulluk (EAJko presidentea zen une horretan) militantzia uztea eskatu zien inputatuta zeudenei; izan ere, horren esanetan, alderdi jeltzaleak ez zuen "zerikusirik" ustelkeria auziarekin.
Bestalde, Eusko Legebiltzarrean ikerketa batzordea eratu zuten. 18 hilabetez, legebiltzarkideek 70 pertsonaren deklarazioak entzun zituzten, eta, 2012ko maiatzean, Ganberak ebazpena onartu zuen, oposizioko talde guztiek babestuta. Ebazpen hartan, erantzukizun politikoak egotzi zizkieten EAJko goi-kargudun ohiei.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.