Toni Cantok kargua utziko du eta ez da hauteskundeetara aurkeztuko
Toni Canto UPyDren Valentziako diputatuak iragarri du karguari uko egingo diola eta ez duela Valentziako Generalitateko presidente izateko hautagaitzarik aurkeztuko.
Cantok berak eman du erabakiaren berri prentsaurrekoan, Valentziako hotel batean, ez alderdiaren egoitzan, Andaluziako hauteskundeen ostean alderdiaren Zuzendaritzarekin dituen desadostasunak hainbatetan agertu eta gero.
Aktore ohiak azaldu duenez, erabaki zaila izan da eta azken egunotan egindako gogoeten ondorio da. Halaber, datozen hauteskundeen ostean UPyDk ezohiko batzarra egin arte ez duela UPyDn jarraituko duen ala ez erabakiko azaldu du.
Cantoren iritzian, UPyD "proiektu erraldoia" da, eta norabidea aldatu behar du.
Rosa Diezentzat hitz gozoak izan ditu. Valentziarraren esanetan, Diezek lortu zuen Espainiako politikan aldaketa gauzatzea eta alderdi-bitasun sistema apurtu zuen "bide berri bat" zabaltzea.
Ciudadanos alderdiarekin harremanik izan ote duen galdetuta, Cantok adierazi du UPyDk eta Ciudadanosek bat egitearen aldekoa dela oraindik.
Cantoren iritzian, "antzerkira itzultzea" eta lan bila egongo den "espainartxo bat gehiago izatea" da bere asmoa.
"Pena da"
Rosa Diez UPyDren buruaren ustez, "pena da" Toni Cantok kargua uztea eta "galera handia da" hautagai izateari uko egitea, baina ez du alderdiaren krisiaren inguruan hitz egin nahi izan, eta bera kezkatzen duen krisia milioika espainiarrek sufritzen dutena dela esan du.
Diezek Kongresuan hitz egin du Cantoren erabakiaren gainean. UPyDren buruaren esanetan, Cantok ez dio erabakiaren berri eman, eta gaur bertan jaso du albistea, aktore ohiak hedabideen aurrean agertu eta gero.
"Parlamentari bikaina izan da, kide bikaina" eta "nire esker ona eta errespetua helarazten diot, nire adiskidea da eta onena opa diot bizitza pertsonalean zein politikoan", esan du Rosa Diezek. Diezen arabera, gaur goizean ez du Cantorekin hitz egin, baina mezu bat bidali dio.
Rosa Diez, Andaluziako hauteskundeen ondorengo prentsaurrekoan. EFE
Zure interesekoa izan daiteke
UCO unitateko agenteek ez dituzte galderak erantzun Nafarroako Parlamentuko ikerketa batzordean, Auzitegi Gorenak hala aginduta
Santos Cerdan, Jose Luis Abalos eta Koldo Garcia auzipetzea eragin duen auziari sekretua kendu diotela azaldu du UCO unitateko agenteetako batek, Adolfo Araiz EH Bilduko bozeramaileak egindako galderaren harira.
Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Eneko Andueza: "Ez ditut Estebanen adierazpenak ulertzen, Pradalesek eta Itxasok dena konpondu ostean"
Eneko Andueza PSE-EEko idazkari nagusiak "Egun on Euskadi" saioan adierazi duenez, Denis Itxaso sailburuak Imanol Pradales lehendakaria kritikatzean "marra gorria gurutzatu" zuela esanez Aitor Estebanek egindako adierazpenek, ez dute ezer onik ekartzen.
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.