Oposizioak 'negoziatzeko borondaterik eza' egotzi dio Jaurlaritzari
Unai Urruzuno EH Bilduko legebiltzarkideak Administrazio Publikoaren Lege Proiektua negoziatzeari uko egin izana egotzi dio Eusko Jaurlaritzari, baina beste testu bat adostea eskaini dio.
Gasteizko Gobernuak erretiratu egin du gaur lege proiektua, eta Josu Erkoreka bozeramaileak ekimenari "betoa" jarri izana egotzi die EH Bilduri, PSE-EEri eta UPyDri, Jaurlaritza "ahultzeko xedez" eta "hauteskunde interesak" direla eta.
"Gobernua txalotzen ez badugu, betoa jarri diogula esaten dute. Erkorekak eta Urkulluk nahastu egin dituzte betoa eta desadostasuna", esan du Urruzunok. "Benetako arazoa zen lege proiektua oso txarra zela", gaineratu du.
Nolanahi ere, beste testu bat adosteko prest agertu da. Horren esanetan, lege proiektuaren "hutsune" nagusia zen EAEko Administrazio Publikoa baino ez zuela oinarri; hau da, udal eta foru administrazioak ez zituela aipatu ere egiten.
PSE-EE
Bestalde, Jose Antonio Pastor PSE-EEko bozeramaileak "larderiaz jokatzea" eta "negoziatzeko borondaterik eza" leporatu die Jaurlaritzari.
Buruzagi sozialistak azaldu duenez, lege proiektua "txarra" zen EAEko sektore publikoa arautzeko eta gardentasun irizpideak ezartzeko, eta "gezurra" esatea egotzi dio Erkorekari, oposizioko taldeei "hauteskunde interesak" leporatzeagatik.
Pastorrek nabarmendu du EAJk 27 eserleku baino ez dituela Legebiltzarrean, eta, ondorioz, gainerako taldeekin akordioak lortzera "behartuta" dagoela.
PP
PPtik, Borja Semper legebiltzarkideak "gobernatzeko eta akordioak lortzeko gaitasunik ez izatea" aurpegiratu dio Gobernuari.
Semperrek azaldu du 261 zuzenketa partzial aurkeztu zituztela, baina, hala ere, "Jaurlaritza eta EAJ ez ziren harremanetan jarri PPrekin horren garrantzitsua zen lege proiektu bat negoziatzeko".
"Gobernuak koldarkeria erakutsi du testua erretiratuz. Bozketa bat galtzen badu, bere gain hartu behar ditu ondorioak, baina ez burua lur azpian sartu, ostrukek bezala, eta hori da, hain zuzen ere, Jaurlaritzak eta Erkorekak egin dutena", deitoratu du.
UPyD
Azkenik, Gorka Maneiro UPyDko legebiltzarkideak kritika gogorrak egin dizkio Jaurlaritzari: "ETAko presoekin hitz egiten du, baina baztertu egiten du talde parlamentarioekin negoziatzea".
Maneiroren hitzetan, Gasteizko Gobernua ez da UPyDrekin harremanetan jarri gai honi buruz hitz egiteko. "Egin izan balu, negoziazioak izango genituzkeen", erantsi du.
"Badirudi Jaurlaritzak ez zuela lege proiektua onartu nahi", esan du.
Albiste gehiago politika
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.