Sei urteko kartzela-zigorra, Segiko 28 ustezko kideetako 7rentzat
Auzitegi Nazionalak sei urteko kartzela zigorra ezarri die Segiko kide izateagatik zazpi laguni; beste bederatzi absolbitu egin ditu froga gabeziagatik, eta beste 12 ere zigorrik gabe geratu dira Fiskaltzak akusazioa erretiratu ostean.
Ebazpenean errudun jo dituzte Marina Sagastizabal, Ainhoa Villaverde, Aiala Zaldibar, Bergoi Madernaz, Igarki Robles, Xabat Moran eta Ibon Esteban, erakunde terroristako kide izatea leporatuta.
Bestalde, absolbitu egin ditu Julen Joseba Zuaznabar, Ruben Villa, Xabier Vidaurre, Garazi Autor, Oihana Lopez, Xabier Arina, Ander Maeztu, Eneko Villegas eta Imanol Salina.
Era berean, zigorrik gabe utzi ditu Izaskun Juarez, Egoi Irisarri, Endika Perez, Imanol Beristain, Ikoitz Arrese, Irati Tobar, Saioa Zubiaur, Ainara Ladron, Aitziber Plazaola, Beñat Lizeaga, Jacint Ramirez, Xalbador Ramirez, Fiskaltzak iazko irailetik abendura egin zen makroepaiketaren amaieran akusazioa erretiratu ostean.
Tortura salaketak
Auzipetuek epaiketan egin zituzten tratu txar salaketei dagokienez, epaileek ebatzi dute ez dituztela "inola ere" frogatu.
Gainera, bereziki "argigarri" jo dute auzipetuek ustez torturak egin zituzten poliziak ikusi eta entzuten zituztenean izan zuten jarrera. "Jarrera horrek ez zuen bat egiten aditu partikularrek aipatu zituzten estres, depresio eta angustia sintomekin", gaineratu dute.
Lau atxilotu
Gaur bertan atxilotu dituzte zigortutako zazpi lagunetako lau: Xabat Moran, Marina Sagastizabal, Ainhoa Villaverde eta Bergoi Madernaz.
Moran Bilboko Somera kalean atxilotu dute, gero Villaverde eta Madernaz atzeman dituzte Gasteizen, eta Sagastizabal San Mames inguruan hartu dute preso.
Hala, atxilotzeko agindua eman dute Ibon Esteban, Igarki Robles eta Aiala Zaldibarren kontra.
Mobilizazioak
Polizia operazio horren aurrean, berehala hasi dira mobilizazioak egiten Iruñeko Errotxapean, Gasteizko Ama Zuriaren plazan, eta 20:00etan Santutxun eta Hernanin.
Auzipetuek prentsaurrekoa emango dute bihar eguerdian, aipatu plaza gasteiztarrean.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.