'Politika eta ustelkeriaren artean egiten den lotura hautsi nahi dugu'
Markel Olano Gipuzkoako ahaldun nagusiak adierazi du politika eta ustelkeria ez lotzeko borrokatuko dela; izan ere, foru gobernu berriak neurriak adostu ditu kode etiko berrian jasotzeko. "Herritarrek zuzenean identifikatzen dituzte politikariak ustelkeriarekin", esan du Olanok, gauzak "naturaltasun eta normaltasunez" egiteko apustua egin aurretik. Euskadi Irratian eskainitako elkarrizketan (Europa Pressek ere eman du horren berri), besteak beste, ahaldunen txartelen gainean hitz egin du Olanok, eta hemendik aurrera ez dituztela erabiliko azaldu du.
Olanok esan du herritarrek, "segur aski erabat zuzena ez den iritzi batengatik", uste dutela politikariak "oso erraz bizi garela, bazkariak beti txartelarekin ordaintzen ditugula, baina gu ez gara horrela bizi". Gipuzkoan eta Euskadin, adierazi du, "politikariok jendearena bezalako izaera dugu. Herrian jaioak gara eta herrira bueltatuko gara gure ardura utzita. Ez gara desberdinak. Beraz, jendeak, gehienetan, apaindura gutxiko bizitza eramaten du; guk ere, publikoa kudeatzen dugunean, ez dugu gaizki erabiltzen diru publikoa, baina jendeak inpresio hori du, eta pauso batzuk eman ditugu hori zuzentzeko", gehitu du.
EAJren eta PSE-EEren arteko gobernua
Bestalde, Markel Olanok esan du ez dela barne-zailtasunik izango gobernu-talde berrian (EAJk eta PSE-EEk osatzen dute), kudeaketari dagokionez; izan ere, bi aldeek "malgutasuna" erakutsi dute negoziazioetan akordioa lortzeko, eta, gainera, lau urtean oposizioan elkarrekin egon ostean, "lerro politiko nagusiak eta iritziak bateratu ditugu, gero eta gehiago".
Irtenbidea, hondakinen arazoan
Halaber, Gipuzkoako ahaldun nagusiak nabarmendu du foru-gobernu berriak irtenbidea emango diola legegintzaldi honetan "hondakinen arazoari", eta ez diotela "bueltarik emango" kontu horri. Hain zuzen, erraustegia egingo dute, "aurreikusita zegoen bezala, eta beharrezko eguneratzeekin". Urte amaierara arte, Gipuzkoak arlo honetan dituen arazoak zehaztuko dituzte, eta horiek zehaztu ondoren, beharrezkoak diren azpiegiturak egingo dituzte.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.