PP Kataluniaren autonomia etetera helduko litzatekeela uste du Cuadrak
Sabino Cuadra Amaiurreko diputatuak uste du Espainiako Alderdi Popularra Kataluniaren autonomia bertan behera uztera helduko litzatekeela. Sabino Cuadrak Mariano Rajoyren gobernua gaitzetsi, eta neofrankista izatea eta beldurraren zein mehatxuen politika ezartzea leporatu dio. Horrela mintzatu da Sabino Cuadra, atzo, Rafael Catala Espainiako Justizia ministroak debate publikora ekarri baitzuen erkidego baten autonomia bertan behera uzteko aukera ematen duen Espainiako Konstituzioaren 155. artikulua aplikatzeko aukera badagoela.
Radio Euskadiri eskainitako elkarrizketan, Cuadrak adierazi du Segurtasun Nazionalaren legea dela Espainiako gobernuak Kataluniako prozesuari emandako erantzuna.
Ildo horretan, PPren gobernuak ezarritako «beldurraren eta mehatxuen politika» salatu du: «Duela 40 urte izan zen erregimenera gerturatzen gaitu Rajoyren gobernuak». Cuadrak ez du baztertzen Espainiako gobernuak Konstituzioaren 155. artikulua aplikatzea Katalunian; izan ere, «Espainiaren batasunak garrantzia handia dauka PPren gobernuarentzat eta baita PSOErentzat ere, zeina oso gutxi bereizten baita zentzu horretan PPtik».
«Aplikatzera ere hel litezke; hau azkenetan dagoen Gobernu neofrankista da», adierazi du Amaiurreko diputatuak. Halaber, esan du beste kontu bat dela egoera politikoak bultzatuta atzera egin behar izatea.
Bestalde, EAJk aipatzen duen berdinen arteko ituna baztertu du «berdinen arteko ituna izateko bi aldeek estatus juridiko instituzional antzerakoa izatea beharrezkoa baita», eta haren esanetan, une honetan ez da baldintza hori betetzen.
Cuadraren hitzetan, berdinen arteko itun horrek erabakitzeko eskubidea Euskal Herriaren ezaugarri dela jaso behar du «ezinbestekoa delako». «Erreformarik egin aurretik, erabakitzeko eskubidea aintzat hartu behar da; are gehiago, edozein proiektu demokratikotzat jo ahal izateko», gaineratu du.
Espainiako gobernuaren 2016ko aurrekontuei dagokionez, adierazi du Rajoyren gobernua izugarrizko hauteskunde-iruzurra egiten ari dela urte hasieratik.
rte hasieratik.Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.