Ibarrako jaien txupinazoa, debekatuta
Ibarrako San Bartolome jaien txupinazoa debekatzea erabaki du epaileak, herriko presoen senide eta lagunen elkarteak suziria botatzea "terrorismoaren biktimei iraina izan daitekeelakoan". Carlos Urquijo Espainiako Gobernuak EAEn duen ordezkariak atzo iragarri zuen ekitaldia debekatzeko eskaera egingo ziola Estatuko Abokatutzari. Jai Batzordeak erabakia bete du, eta ez dute azkenean jaien hasierako suziria bota.
Agindua txupina jaurtitzeko ordu erdi falta zela heldu da epaitegitik. Txupinazoa "biktimekiko irain ekintza" izan daitekeelakoan, beraz, kautelazko neurria hartu du epaileak.
Jai Batzordeak ekitaldia bertan behera uztea erabaki du, epailearen agindua beteta. Dena dela, batzordeko kide batek erabakiaren kontrako adierazpena irakurri du. Urquijoren jarrera "inposatzaile eta murriztailea" salatu dute, eta nabarmendu du ez direla delitu "maitasuna eta elkartasuna", "ezta maitasun eta elkartasuna adierazten duten horiei Ibarrako festetako programan leku bat egin izana ere".
Mikel Agirrezabala alkatea eta udalbatza ekitaldi alternatiboan izan dira, jai batzordeari babesa emateko eta debekua salatzeko.
Alkateak salatu duenez, "festak hasteko era sinbolikoa da txupinazoa, eta mehatxupean ez dugu egitea lortu". Goizean, debekuaren berri izan baino lehen, Radio Euskadin mintzatu da alkatea. Agirrezabalak bertan esan duenez, txupinazoa ez da "inor omentzeko", sakabanaketaren ondorioz presoen senideei "jaietan elkartasuna" erakusteko modu bat baizik.
Debekua eta auzi-errekurtsoa
Ekitaldia debekatzeko eskaera egiteaz gain, Ibarrako Udalaren kontrako administrazioarekiko auzi-errekurtsoa aurkeztu du Estatuko Abokatutzak.
2008an Udalak eta herriko taldeek adostutakoaren arabera, aurten "Ibarrako errepresaliatuen senide eta lagunek" bota behar zuen suziria. Urquijoren hitzetan, ekitaldi horrek "terrorismoa goraipatzea dakar, eta biktimak gutxiestea".
Albiste gehiago politika
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregui Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen igoera aldebakarreko eta itundu gabeko baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.