Euskal presoak hurbiltzearen alde agertu da Taubira
Christiane Taubira eta Rafael Catala, Frantziako eta Espainiako Justizia ministroak, hurrenez hurren, Parisen bildu ziren atzo, eta, besteak beste, espetxe politika izan zuten hizpide. Bi buruzagion aburuz, terrorismoaren aurkako borrokan Frantziaren eta Espainiaren arteko elkarlana "oso ona" eta "gardena" da.
Taubira euskal presoak hurbiltzearen alde agertu zen. Uztailaren hasieran bere ministerioko goi kargudun bat euskal presoen alde lan egiten duten elkarteetako ordezkariekin bildu zela baieztatu zuen. Horren esanetan, sei euskal preso dagoeneko Mont-de-Marsango espetxean daude, Euskal Herritik gertuen dagoen frantziar kartzelan. Etxerat-en arabera, baina, espetxe horretan bi euskal preso daude, eta azken hilabeteotan egon diren hurbiltzeak "puntualak" izan dira.
Frantziako Justizia arduradunaren arabera, presoen eskariak banan-banan aztertzen dituzte, eta Frantziak duen informazioa Espainiari helarazteko konpromisoa betetzen jarraitzen du. Preso bakoitzaren egoera aztertzerakoan, gizarteratzea eta etxetik gertu egotea kontuan hartzen dutela adierazi zuen.
Frantziako eta Espainiako Justizia ministerioen arteko elkarlana "oso ona" dela adierazi zuen Taubirak, eta terrorismoaren aurkako borrokaren alorrean, hain zuzen, bi gobernuen arteko lankidetza "bereziki handia" dela gaineratu zuen.
Catalaren iritzian ere, Frantziaren eta Espainiaren arteko elkarlana "bikaina" da, eta, harreman horri esker, terrorismoaren aurkako borrokan emaitza onak lortu direla azpimarratu zuen. Espainiak egungo espetxe politikari eutsiko diola erantsi zuen Justizia ministro espainiarrak.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.