Gehiengo absolutuaren legealdia bukatu da
"Beti gezurretan aritu izana" aurpegiratu dio gaur Pedro Sanchez PSOEko buruzagiak Mariano Rajoy Gobernuko presidenteari. Exekutiboko buruzagiak lorpen ekonomikoen "egiarekin" erantzun dio. Sozialistek urte asko oposizioan jarraitzea Espainiarentzat onena izango litzatekeela ohartarazi du Rajoyk.
Legealdiko azken aurrez aurrekoa izan dute Rajoyk eta Sanchezek Diputatuen Kongresuan. Exekutiboko agintariaren ?gezurrak? adibide bezala jarri ditu PSOEko idazkari nagusiak, 2016ko aurrekontuak sinesgarriak eta zorrotzak ez direla ziurtatzeko.
Jasotako herentzia eskasa berriro gogorarazi du Gobernuko presidenteak, eta baita egoera zuzentzeko martxan jarri behar izan dituen neurriak ere. ?Hori (egoera ekonomiko txarra) guk konpondu dugu beste behin ere?, azpimarratu du.
Rajoyk karguan errepikatuko ez duela iragarri du Sanchezek. Exekutiboko buruzagiak guztientzat gobernatu eta egia beti esan behar duela gogorarazi dio oposizioko ordezkariak presidenteari. Rajoyk arau hori Moncloako jauregira heldu bezain laster ahaztu zuela deitoratu du Sanchezek, guztiz kontrakoa eginez.
Aitor Esteban EAJko bozeramaileak salatu du Espainiako Gobernua "murrizketena, atzeraldiarena eta birzentralizazioarena" izan dela. Gainera, "pedigria" duen beste edozein herrialdetan Gurtel edota Barcenas auziek gobernuburuak kargua uztea ekarriko lukeela gaineratu du.
Jose Luis Centella Izquierda Pluraleko bozeramailearen esanetan, legegintzaldi honetan "atzerapausoak" eman dira herritarren eta lan eskubideen alorretan. Horregatik, hurrengo legealdian PPk "hautsitakoa" konpontzea espero duela nabarmendu du.
10. legealdiaren amaiera
Azken kontrol saioarekin 10. legealdiari amaiera eman dio gaur Diputatuen Kongresuak. Aurrekontuen ingurukoa izan da desegin baino lehen Ganberak onartu duen azken lege garrantzitsua. Senatuko zuzenketak barneratuta, asteartean berretsi zituzten diputatuek behin betiko 2016ko aurrekontuak.
Pedro Sanchez PSOEko idazkari nagusia Diputatuen Kongresuan, azken kontrol saioan. Argazkia: EFE
Inaugurazioak eta balantze ?bikaina?
Mezu positibo batekin esan nahi dio agur Alderdi Popularrak legealdiari. Ekonomiako lorpenak goraipatu nahi ditu PPk, murrizketak, ustelkeria, prekarietatea eta zorra alde batera utzita.
Inaugurazioak egiteko azken eguna, asteartea, Galiziara bueltatzeko aprobetxatu zuen Rajoyk, eta Santiago eta Lugo lotzen dituen A54 autobiako tarte berri bat zabaldu zuen.
Abenduaren 20ko hauteskunde orokorretara begira, balantze ?bikaina? egin nahi du Gobernuak. Horrela, hazkunde ekonomikoa eta lanpostuen sorrera goraipatu ditu Luis de Guindos Ekonomia ministroak.
Europar Batasuneko bigarren langabezia tasarik handiena (% 22) duen herrialdea izaten jarraitzen du Espainiak. Hala ere, Luis Maria Linde Espainiako Bankuko gobernadorea baikor azaldu da, eta Espainiako ekonomiaren ?triangelu bertutetsua? nabarmendu du.
Zure interesekoa izan daiteke
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.