EAJk gobernagarritasunean parte hartuko du 'eskubideak aitortuz gero'
Andoni Ortuzar EAJko EBBko presidenteak adierazi du alderdi jeltzalea Espainiako Estatuko gobernagarritasunean inplikatuko dela, "euskaldunen eskubideak aitortzen badira".
Hori dela eta, "Euskadiren aitorpen nazionala", aldebikotasuna, estatus berria eta Kontzertu Ekonomikoaren aurkako "eraso izpirik" ez izatea eskatu ditu. Gainera, ziurtatu du EAJk ez duela "txeke zuririk" emango.
Ortuzarrek esan du Espainian berriro ere hauteskunde orokorrak egitea "porrot izugarria" izango litzatekeela. Halaber, Felipe VI.ak "bitartekaritza eta arbitraje" lana egitearen alde agertu da.
Ortuzarrek gogorarazi du EAJk beste estatu eredu bat nahi duela eta, PPk ziurtatu duen moduan, aldaketari ezetza ematen badio, ez dela akordiorako aukerarik izango alderdi jeltzalearekin.
Jeltzaleen buruak adierazi du ez dutela aurretiazko betorik planteatzen ustezko akordioen gainean, guztiekin hitz egiteko prest daudelako. "Hala egingo dugu. Hots egiten digun orori baiezko erantzuna emango dio EAJk mahai baten inguruan esertzeko", baieztatu du.
Dena dela, gerora hausnartuko dute zer programaren inguruan lortu nahi den akordioa, zeren EAJk "ez du txeke zuririk emango".
"Oso kanpaina gardena egin dugu, eta bertan garbi geratu dira zein diren EAJren akordio, parte-hartze edo konpromiso batek izan beharko lituzkeen ardatzak: Euskadiren aitorpen nazionala; esparru juridiko-politikoa aldatzea, Euskadik estatus berria izan dezan; Euskadiren autogobernuarekiko, aldebikotasunarekiko errespetua eta Kontzertu Ekonomikoak ez dezala inongo eraso izpirik jaso", adierazi du.
Bere aburuz, "horretaz guztiaz hitz egin ahal izan beharko litzateke"; gainera, esan duenez, "hori ez da maximoen proposamen bat". "Mahai gainean dauden gaien inguruko proposamena da. Gero ikusi beharko genuke bakoitzak zein formulazio izango zukeen, baina oraindik ez dugu inoren erantzunik jaso; ziur asko edozein konbinaziorako behar diren azken sei diputatuak ematen ditugulako", azaldu du.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.