Mas: 'Hilaren 11n bozak deituko ditut, baina astia dago ordura arte'
Artur Mas Generalitateko jarduneko presidenteak azaldu duenez, datorren astelehenean, hilak 11, Kataluniako hauteskundeak deitzeko dekretua sinatuko du, "baina astelehenera arte astia dago". Dena den, haren hitzetan, Junts pel Si "asko mugitu da" eta ezin du eskaintza berririk egin.
Jarduneko presidenteak baieztatu du "litekeena" dela martxoaren 6an izatea hauteskundeak, baina astelehenera arte itxaron beharko da, "gogoz kontra" dekretua sinatu arte.
Masek onartu du "akatsa" izan dela CUPek "herri ikuspegiarekin" jokatuko zuela pentsatzea, alderdi horretan "izpiritu iraultzailea delako benetan gailentzen dena".
"Haien baldintzek eta legeek irabazten badute, prozesua hil egingo da; eskakizun gehiago betetzen ez ditugunean prozesuarengatik egiten dugu, ez pertsona batengatik, baizik eta prozesuarengatik eta Kataluniarengatik", azpimarratu du Masek, prozesuak "betorik" ezin duela onartu adierazi aurretik.
Hautagaitzari uko
CUPek eskatzen diona onartu eta presidente izateko hautagaitzari uko egiteko aukeraz galdetuta, Masek berretsi du ezin dutela eskaintza gehiago egin.
Iganderako denbora badago ere, Masek aitortu du "duela aste batzuk baino askoz esperantza gutxiago" duela CUPek atzera egitearen inguruan, baina "bizitza dagoen bitartean esperantzari eutsi" egingo diola hitz eman du, astelehena arte dauden egun gutxiei erreferentzia eginez.
"Prozesua pikutara ez botatzeko bat egitea eta botoak" gailendu behar direla iritzi dio, ez "bazterketak eta betoak". Hala, "duintasunagatik" ezin diotela CUPi gehiago eman adierazi du, "Generalitatea ez baita arrainaren enkantea".
CDCren buruak horixe berretsi du behin eta berriz, ezin zaiola alderdi antikapitalistari ezer gehiago eskaini: "Eskaintza bakoitzaren aurrean CUPek ezetz esan du".
Generalitateko presidente izateko, Masek CUPeko sei diputaturen botoak beharko lituzke astelehenaren aurretik, edo bestela, bigarren bozketan bi diputatuk alde bozkatzea, eta gainerakoak abstenitzea.
ak abstenitzea.Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.