Rajoyrena 'amaitzen ari den proiektua' da, Puigdemonten arabera
Carles Puigdemont Generalitateko presidente berriak esan du Mariano Rajoy Espainiako Gobernuko presidentea "jardunean" dagoela eta "adierazpenak jardunean" egiten dituela. Gainera, "amaitzen ari den proiektu baten" ordezkaria dela kritikatu du.
Bihar presidente kargua hartu aurretik Gironako Alkatetzari egin behar izan dio uko, eta ekitaldi horren ostean egin ditu adierazpenok, hedabideek Rajoyk atzo egin zituen adierazpenei buruz galdetu diotenean.
"Amaitzen ari den proiektu baten" ordezkariak zer esan duen ez diola axola esan du: "Datorren proiektuak axola dit, baten bat etorri behar bada, Katalunian egin ditugun lanak oraindik ez baitituzte Espainian egin".
Udalgintza goratu du
Gironako alkate postua uzteko saioan, herrialde berri bat eraikitzeko, udalgintza "ezinbestekoa" dela azpimarratu du, eta aitortu du ez zuela presidente izatea espero, baina ezin ziola uko egin.
Puigdemontek azaldu duenez, alkate lanetan egin dituen lau urte eta erdian "asko ikasi" du, eta baliagarri izango da kargu berrirako, ikasitako hori gabe ez lukeelako presidente izatea onartuko.
"Udalgintzaren arrastoa" uzteko borondatea erakutsi du Puigdemontek, ideologia desberdinen arteko harremanak indartzeko modua delakoan.
Bihar
Generalitatearen presidente hautatuak uste du bihar hartuko duela presidente kargua, eta kontseilariek asteazkenean egingo dutela gauza bera, Gobernuaren egitura prest dutelako CDCk eta ERCk, Junts pel Si osatzen duten alderdiek. Generalitateko iturriek baieztatu egin dute hori.
Raul Romeva Junts pel Siren diputatuak Catalunya Radion esan du guztia prest dutela Gobernu berrirako, "egitura adostuta, eztabaidatuta eta pentsatuta" baitago.
Zure interesekoa izan daiteke
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.