Titiriteroen aurkako salaketa kentzea aztertzen ari da Madrilgo Udala
Madrilgo Udalak titiriteroen kontrako salaketa bertan behera uztea aztertuko du, ostiralean gertatutakoa "larria" izan zen arren, ezin duelako justifikatu auziaren "erabilera interesatua" eta bi lagunek espetxean jarraitzea.
Celia Mayer Kultura eta Kirol ordezkariak prentsa-ohar batean azaldu duenez, Madrid Destinoren presidente den heinean, udal enpresa horren zerbitzu juridikoekin jarri da harremanetan "salaketa ken dezaten eskatzeko".
Udaleko ordezkariaren esanetan, "ikuskizunean gertatutakoa argitzeko bakarrik" jarri zuten salaketa, "ez ustezko terrorismoa goratzeko delituarekin zerikusia izan zezakeelako".
"Gertatutakoa larria izan zen, lanaren edukia onartezina zelako haurrentzat, baina horrek inola ere ezin du justifikatu auziaren erabilera interesatua, eta inputatzen zaizkien karguak. Onartezintzat jotzen dut behin-behineko espetxealdi mugagabea, eta egoera ezin da minutu bat gehiago luzatu", gaineratu du.
Espetxeratzearen aurkako helegitea
Bi titiriteroek helegitea jarri dute Ismael Moreno Auzitegi Nazionaleko epaileak jarritako espetxeratze aginduaren aurka.
Epaileak terrorismoa goratzea eta oinarrizko eskubideen eta askatasun publikoen kontrako delitua leporatzen die Raul Garcia Perez eta Alfonso Lazaro de la Torre titiriteroei.
Defentsako abokatuek uste dute gehiegizkoak direla akusazio horiek, bi gazteek ez zutelako terrorismoa goratu eta gorrotoa bultzatu. Horregatik, biak aske uzteko aldarrikatu dute.
AVTren kereila
Bien bitartean, AVT Terrorismoaren Biktimen Elkarteak kereila aurkeztu du titiriteroen, Ramon Ferrer Prada zuzendari artistikoaren, Celia Mayer Madrilgo Udaleko kultura arduradunaren eta Manuela Carmena alkatearen kontra.
p>Albiste gehiago politika
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.